Yohane 9:22 - Kivunjo New Testament 1999

²² Wafee wakye walegamba kuṙo kui iowuo Wayuda; cha kyipfa Wayuda walekowaiṙikyiana kye mndu echigamba kye nyi Kristo, nechiimo momu o yenda sinagoginyi.

Yohane 9:22 ပူးပေါင်းရင်းမြစ်များ

Luka 6:22

“Wagusu nyoe ilyi wandu wemsuo, na imshingyia nja, na imlahia, na inyamaṟa rina lyanyu, kyipfa kya Mono-Adamu.

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 16:2

Wechimuletsana na walya wekyeyenda masinagoginyi; yee loi kyiyeri kyiicha orio mndu aimbaaga echikusaṟa kye naiindia Ruwa kui iwuta kuṙo.

Yohane 19:38

Isho shoose shammbutikye Yosefu awukyie Arimataya, na oe nyi manalosho o Yesu, (kyaindi kui kyiṟika, kyipfa kya iowuo Wayuda), naleterewa Pilato momu kundu nawute mmbiu o Yesu halya msalabenyi. Na Pilato kamwenenga momu. Kyasia kayenda, kawuta mbiu ulya halya msalabenyi.

Yohane 20:19

Kyukonyi, mfiri ulya o kuwooka o juma; na halya-ndu wanalosho wawekyeri moongo iwengyishingye kyipfa kya iowuo Wayuda, Yesu kacha kagoṟoka makyiṙi-gawi gawo, kawawia, “Ufoṟo lukae konyu.”

Yohane 7:13

Kyaindi kuwoṙe mndu alemsenda na pata-pfo, kyipfa kya iowuo Wayuda.

Yohane 9:18

Kyasia Wayuda walaiṙikyie mbonyi tsilya aweigamba, kye nawei kyipfupfuṟe na numa ya iho kaenengo iwona; mṟasa wakalaga wafee wakye.

Yohane 9:21

kyaindi chandu aiwona wulalu luichi-pfo; maa luichi nyi wui alemwenenga wuiṙimi wo iwona-pfo. Mmbesenyi oe amonyi; oe nyi mndu apfulukyie, neiṙima ionguo amonyi.”

Yohane 9:34

Wakagaluo, wakammbia, “Iyoe nulefeeyo wunyamaṟinyi nakamwi, na iyoe nuilulosha soe?” Kui nyashi wakamtsindikyia nja ya sinagogi.

Yohane 9:35

Yesu kaicho kye wamtsindikyia nja; na oe kyiyeri alemmbona nalegamba, “Iyoe nuiṙikyie Mana o Ruwa?”

Mawuto Ga Wasu 4:18

Wakawalaga, wakawawia walaṙeṙe maa ale ang'u ilosha kui rina lya Yesu.

Mawuto Ga Wasu 5:13

na kyiiṙi kya wandu woose kuwoṙe maa mndu umwi alekaria ioshana na wasu-pfo; indi wandu walewaṟumisha.

Mawuto Ga Wasu 5:40

Wakaiṙikyia kyilya Kamalyielyi alegamba. Nawo kyiyeri walelaga wasu walya, wakawakapa, wakawawia walaloshe kui rina lya Yesu; na numa ya iho wakawalekyia.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”