Yohane 8:55 - Kivunjo New Testament 1999

⁵⁵ Maa nyoe mulemmanya-pfo; kyaindi inyi ngyimwichi. Ngagamba kye ngyimwichi-pfo ngyechiwa mndu ekyeṙeṙa wongo cha nyoe; kyaindi ngyimwichi, na malosho gakye ngyekyegaosha.

Yohane 8:55 ပူးပေါင်းရင်းမြစ်များ

Matayo 11:27

Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya.

Luka 10:22

Kagamba, “Ngyimwenengye shoose nyi Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya mana akundi imshukuya.”

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 10:15

chandu Awu angyiichi na chandu ngyiichi Awu. Na inyi ngyekyereka moo oko kyipfa kya moondo.

Yohane 15:10

Mukoosha kyilya mawawaso gako gakundi, mochikaa ikundenyi lyako; chandu inyi ngyekyeosha mawawaso ga Awu oko na ikaa ikundenyi lyakye.

Yohane 15:21

Kyaindi ishi shoose wechimmbutia kyipfa kya rina lyako, cha kyipfa waichi ulya alengyiṙuma-pfo.

Yohane 16:3

Na isho wechimmbutia cha kyipfa waichi Awu maa inyi-pfo.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 6:46

Chi kye mndu nawona Awu sile ulya awukyie ko Ruwa-pfo. Icho nyi oe alewona Awu.

Yohane 8:19

Kyasia wakammbia, “Ookwi Awu opfo?” Yesu kagaluo kagamba, “Inyi mungyiichi-pfo; maa Awu oko mumwichi-pfo. Kokooya muwengyiichi inyi, muwechimanya na Awu oko.”

Yohane 8:29

Na ulya alengyiṙuma nakyeri hamwi na inyi; angyiṙeeye ngyimonyi-pfo; cha kyipfa mfiri yoose ngyekyewuta shilya shimchihiṟie.”

Yohane 8:44

Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Yohane 8:51

Ny'kyaloi, ngammbia ‘Mndu kaosha kyilya malosho gako gagamba mrima okye ochiwaṙa moo mlungana.’ ”

Yohane 8:52

Kyasia Wayuda wakammbia, “Wulalu lomanya kye nuwoṙo nyi mṟufui mmbicho. Abrahamu alempfa, na weonguo shisuku walempfa; na iyoe nugamba, ‘Mndu kaosha kyilya malosho gako gagamba mrima okye ochiwaṙa moo mlungana.’

Mawuto Ga Wasu 17:23

Cha kyipfa kyiyeri ngyiweiiṙa ipfo na ipfo na iwona kundu mokyeterewa waruwa, ngyilewona alyitaṟe ingyiṟeie: ‘KO RUWA LULAMWICHI’ Kyasia inyi ngyimuongoya mbonyi tsa ulya nyoe mokyemwindia kulawoṙe immanya.

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

1 Yohane 1:6

Lukogamba kye lukyeri handu hamwi na oe, kyaindi lukowaṙa mkaṟo ya meema, loṙeṙa wongo, maa luiwuta kyikyeri kya loi-pfo.

1 Yohane 2:22

Nyi wui ai moṙeṙa wongo sile ulya ekyekana kye Yesu nyi Kristo? Icho nyi oe mowingana na Kristo, ulya ekyekana Awu na Mana.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 5:10

Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.

Ulogo 3:9

Ngakuenenga wandu wafoi wakyeri wa sinagogi lya Satana, wekyegamba kye nyi Wayuda, nawo chi Wayuda-pfo, indi wekyeṙeṙa wongo. Ngyechiwaitika wachepfiria ndi maṙendenyi gapfo, na imanya kye ngakukunda.