Yohane 8:54 - Kivunjo New Testament 1999

⁵⁴ Yesu kagaluo kagamba, “Ngakuṟumisha inyi ngyimonyi, kyiṟumi kyako chi kyindo-pfo. Ekyengyiṟumisha nyi Awu oko, ulya nyoe muigamba kye nyi Ruwa onyu.

Yohane 8:54 ပူးပေါင်းရင်းမြစ်များ

Yohane 17:1

Yesu nalegamba mbonyi-tso, kaambuya ruwewu, kagamba, “Awu, kyiyeri kyamshika. Ng'anyisa Mono-pfo, kundu Mono-pfo nakung'anyise iyoe;

Yohane 17:5

Na wulalu, Awu, ungying'anyise inyi hamwi na iyoe, kui kyiṟumi kyilya ngyiwewoṙe kyiyeri wuyana wulagumbo.

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 5:41

Inyi ngyipfula iṟumisho nyi wandu-pfo.

Yohane 7:18

Ulya aṙeṙa kui wuchilyi wokye amonyi tupu nekyepfula kyiṟumi kyakye amonyi; indi ulya apfula kyiṟumi kya ulya alemṙuma, icho nyi o loi, maa mrimenyi kokye kuwoṙe wunyamaṟi-pfo.

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Yohane 8:41

Nyoe muiṟunda maṟunda ga awu onyu.” Nyi lyo-ndu walemmbia, “Soe lulefeo wuṟuinyi-pfo. Soe luwoṙe Awu umwi, nyi oe Ruwa.”

Yohane 8:50

Maa inyi ngyipfula kyiṟumi kyako-pfo; kuwoṙe mopfula kyiṟumi na ianduya.

Mawuto Ga Wasu 3:13

Ruwa o Abrahamu na o Isakyi na o Yakobo, Ruwa o waku waṙu, nang'anyisa mṟundi okye Yesu, ulya nyoe mulemṟiinga na imkana mbele ya Pilato, kyiyeri aleṙumbuo kye nalekyio.

2 Wakorinto 10:18

Kyipfa mndu moiṙikyio chi ulya ekyekushela-pfo, indi nyi ulya ekyeṟumisho nyi Mndumii.

1 Petiro 1:12

Wakaloṟo kye chi kyipfa kyawo wawenyi-pfo, indi kyipfa kyanyu waleṟunda ipfo shindonyi, shilya wulalu shalosho konyu na walya walemuongoya nyoe Ndumi Ngyicha kui Mumuyo Mweele aleṙumo iwuka ruwewu. Shindo-sho malaika walangyie ishimanya.

1 Petiro 1:21

Ulya kui oe mowa wandu waiṙikyie Ruwa, alemṟutsa iwuka ko wapfu kamuenenga kyiṟumi; mṟasa iiṙikyia lyanyu na ikusuria lyanyu lyiwe ko Ruwa.

2 Petiro 1:17

Kyipfa naleambilyia iwuka ko Ruwa Awu kyiṟumi na mng'ano, iho-ndu aleendio ṟui lyilewuka mng'anonyi ung'anyi, “Ichu nyi Mana oko, mkunde oko, ngyimchihie kyipfa kyakye.”