Yohane 8:52 - Kivunjo New Testament 1999

⁵² Kyasia Wayuda wakammbia, “Wulalu lomanya kye nuwoṙo nyi mṟufui mmbicho. Abrahamu alempfa, na weonguo shisuku walempfa; na iyoe nugamba, ‘Mndu kaosha kyilya malosho gako gagamba mrima okye ochiwaṙa moo mlungana.’

Yohane 8:52 ပူးပေါင်းရင်းမြစ်များ

Matayo 11:18

Kyipfa Yohane nalecha, alailya maa alainyo, wakagamba, ‘Nawoṙo nyi mṟufui mmbicho.’

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 15:20

Kumbuonyi mbonyi tsilya ngyilemuongoya, kye mtumo ang'anyi kuta mndumii okye-pfo. Kokooya walengyipfulutsa nyashi, wechimpfulutsa nyashi nyoe; kokooya waleosha malosho gako, wechiosha ganyu taa.

Yohane 17:6

Walya ulengyienenga kunu wuyanenyi ngyilewashukuya kyiṟumi kyapfo. Wawekyeri wapfo, kowangyienenga, na malosho gapfo wekyegaosha.

Yohane 7:20

Wandu wawesanzie halya wakagaluo, wakagamba, “Loi, nuwoṙo nyi mṟufui mmbicho! Nyi wui akundi ikuwaaga?”

Yohane 8:22

Kyasia Wayuda wakagamba, “Ngyesa nechikuwaaga? Cha kyipfa naigamba, ‘Kundu ngyiyenda nyoe moiṙima iyenda pfo-pfo.’ ”

Yohane 8:48

Wayuda wakagaluo, wakammbia, “Ngyesa soe luigamba loi kye iyoe nyi mndu o Samaria, na iyoe nuwoṙo nyi mṟufui mmbicho-pfoe?”

Yohane 8:51

Ny'kyaloi, ngammbia ‘Mndu kaosha kyilya malosho gako gagamba mrima okye ochiwaṙa moo mlungana.’ ”

Yohane 8:55

Maa nyoe mulemmanya-pfo; kyaindi inyi ngyimwichi. Ngagamba kye ngyimwichi-pfo ngyechiwa mndu ekyeṙeṙa wongo cha nyoe; kyaindi ngyimwichi, na malosho gakye ngyekyegaosha.

Yohane 9:24

Kyasia lya kawi Mafarisayo wakalaga mndu ulya awei kyipfupfuṟe, wakammbia, “Enenga Ruwa kyiṟumi. Soe luichi kye mndu-chu nyi mnyamaṟi.”

Waebrania 11:13

Iwa woose wakapfiia iiṙikyienyi, walaambilyia shaasa shilya, indi wakashiwona wai kuleshi na ichihiyo kyipfa kyasho, na igamba kye wawekyeri wayenu, na wakyaro urukyenyi.

Waebrania 2:9

indi lowona ulya alegumbo kawa mtutu kuta malaika, Yesu, kyipfa kya mawawio ga upfu, amwenengye kyiṟumi na mng'ano, kundu kui isaṟia lya Ruwa napfe kyipfa kya orio mndu.