Yohane 8:48 - Kivunjo New Testament 1999

⁴⁸ Wayuda wakagaluo, wakammbia, “Ngyesa soe luigamba loi kye iyoe nyi mndu o Samaria, na iyoe nuwoṙo nyi mṟufui mmbicho-pfoe?”

Yohane 8:48 ပူးပေါင်းရင်းမြစ်များ

Matayo 10:25

Kyishikyie manalosho iwa cha mlosha okye, na kyisinga iwa cha mndumii okyo. Kokooya walelaga monyi kanyi Beelyisebulyi ngyesa chi ngoseṟa walya wai wa kanyi kokye-pfoe?”

Matayo 10:5

Iwo ikumi na wawi Yesu nalewaṙuma, kawawia, “Ko walya walakyeri Wayuda mulayende, maa mulaiṙe na mṟinyi maa umwi o Wasamaria.

Matayo 11:18

Kyipfa Yohane nalecha, alailya maa alainyo, wakagamba, ‘Nawoṙo nyi mṟufui mmbicho.’

Matayo 12:24

Kyaindi lyilya Mafarisayo waleicho, walegamba, “Ichu naifuna waṟufui wawicho kui pfinya tsa ang'anyi o waṟufui wawicho.”

Matayo 12:31

Kyipfa kya ikyo ngammbia, ‘Orio wunyamaṟi na orio ṙeṙo lyelahia Ruwa wandu wechihooṟio, kyaindi ko ilahia Mumuyo wechihooṟio-pfo.

Matayo 15:7

Nyoe wakulembecheṟi, nyi necha chandu Yesaya aleonguo shisuku kyipfa kya mbonyi tsanyu, echigamba,

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 10:20

Wengyi wakagamba, “Ichu nawoṙo nyi mṟufui mmbicho, ngoseṟa nyi msuko; ny'kyilyi muimwaṙanyia?”

Yohane 13:13

Nyoe muingyilaga, “Mlosha” na “Mndumii;” moṙeṙa necha, kyipfa nyi wuṙo ngyikyeri.

Yohane 4:9

Kyasia mndu mka ulya o Kyisamaria kammbia, “Kyawa kuṙa iyoe Myuda iterewa mṟinga koko na inyi nyi mndu mka o Kyisamaria?” (Kyipfa Wayuda na Wasamaria wekyekaa handu hamwi-pfo).

Yohane 7:20

Wandu wawesanzie halya wakagaluo, wakagamba, “Loi, nuwoṙo nyi mṟufui mmbicho! Nyi wui akundi ikuwaaga?”

Yohane 8:22

Kyasia Wayuda wakagamba, “Ngyesa nechikuwaaga? Cha kyipfa naigamba, ‘Kundu ngyiyenda nyoe moiṙima iyenda pfo-pfo.’ ”

Yohane 8:52

Kyasia Wayuda wakammbia, “Wulalu lomanya kye nuwoṙo nyi mṟufui mmbicho. Abrahamu alempfa, na weonguo shisuku walempfa; na iyoe nugamba, ‘Mndu kaosha kyilya malosho gako gagamba mrima okye ochiwaṙa moo mlungana.’

Waroma 15:3

Cha kyipfa Kristo alewuta shindo shekuchihiṟa amonyi-pfo; indi chandu kyikyiṟeie, “Shilahio shawo walekulahia iyoe shilengyikooya inyi.”

Waebrania 13:13

Kyasia lufume luyende kokye nja ya handu wandu wekyekaa, na imino hamwi na oe.

Yakobo 2:19

Iyoe nuiṙikyie kye Ruwa nyi umwi; nowuta necha. Masatana nago gaiṙikyie na iṙeṙema.