Yohane 8:44 - Kivunjo New Testament 1999

⁴⁴ Nyoe nyi wa awu onyu Mokyiriinzi, na lango tsa awu onyu nyitso mukundi itsiosha. Oe nyi mmbaagi wookyia mawookyionyi; maa alandekae ura lo wuloi-pfo, cha kyipfa kokye kuwoṙe wuloi-pfo. Kyiyeri aṙeṙa wongo, nekyeṙeṙa shikyeri shakye amonyi; cha kyipfa oe nekyeṙeṙa wongo na nyi awu o wongo.

Yohane 8:44 ပူးပေါင်းရင်းမြစ်များ

Matayo 12:34

Nyoe maalea ga njoka, moiṙima kuṙa iṙeṙa shindo shicha, mui wawicho? Kyipfa, ṙumbu lya mndu lyekyeṙeṙa shilya shiichuṟie mrima-cho okye.

Matayo 13:15

Kyipfa mrima ya wandu-wa yawa ngyiumu, na kui maṙwi gawo wekyeicho necha-pfo, na washingyie meso gawo; walachewona kui meso gawo, walaicho kui maṙwi gawo, wakamanya kui mrima yawo, wakangyigalukyia, ngawakyiṟa.’ ”

Matayo 13:38

Ṙema-lyo nyi wuyana. Mbeu tsilya ngyicha nyi wana wa Wumangyi wo ruwewu, na makacha-go nyi wana wa mmbicho ulya.

Yohane 6:70

Yesu kawagaluo, kagamba, “Ngyesa ngyilemusambuṟa nyoe ikumi na wawi kyaindi umwi onyu nyi Satana?”

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Yohane 8:38

Shilya ngyileshiwona ko Awu nyisho ngyionguo; na nyoe na wuṙo muwuta shilya muleicho ko awu onyu.”

Yohane 8:41

Nyoe muiṟunda maṟunda ga awu onyu.” Nyi lyo-ndu walemmbia, “Soe lulefeo wuṟuinyi-pfo. Soe luwoṙe Awu umwi, nyi oe Ruwa.”

Yohane 8:55

Maa nyoe mulemmanya-pfo; kyaindi inyi ngyimwichi. Ngagamba kye ngyimwichi-pfo ngyechiwa mndu ekyeṙeṙa wongo cha nyoe; kyaindi ngyimwichi, na malosho gakye ngyekyegaosha.

Mawuto Ga Wasu 13:10

kagamba, “Iyoe uwoṙe ngyeṟo na wuwicho woose, mana o Mokyiriinzi, mokyituwa o wusumganyi woose, okyeṙa igaluo wuloi wo Mndumii wuwe wongo?

Mawuto Ga Wasu 24:9

Wayuda nawo wakamshitakyi, wechigamba kye nyi wuṙo mbonyi-tsi tsikyeri.”

Mawuto Ga Wasu 5:3

Petiro kagamba, “Anania, ny'kyilyi Satana aichuṟa mrima opfo iwia Mumuyo Mweele wongo, na iṟika kyifunjoe kya woguru wulya wo ṙema?

2 Wakorinto 11:3

Kyaindi ngyiowuo; chandu njoka iya ilelemba Eva kui ngyeṟo tsayo, ilachenyamaṟa makusaṟo ganyu, mukoṙa wunyotsu na wucha wonyu ko Kristo.

1 Petiro 5:8

Muwaṙe meena na ilaa kyiṙombo; cha kyipfa mokyituwa onyu Mokyiriinzi, cha simba isepfuo, nekyetenga-tenga, echipfula mndu nammeṟe.

2 Petiro 2:4

Mukumburie kye Ruwa naleanduya malaika walya walenyamaṟa. Nalewawiyitsa moṙonyi, kawawika shipfungonyi sha meema, waringo mṟasa kuche mfiri ulya o ianduyo.

1 Yohane 1:8

Lukogamba kye luwoṙe wunyamaṟi-pfo, lokulemba luwenyi, maa kuwoṙe wuloi koṙu-pfo.

1 Yohane 2:21

Ngyilemuṟeia nyoe kyipfa mulaichi kyikyeri loi-pfo, indi cha kyipfa muichi kyilya kyikyeri loi, lyingyi-se kye kuwoṙe kyoose kya wongo kyekyewuka ipfo kyindonyi kyikyeri loi-pfo.

1 Yohane 2:4

Ulya aigamba, “Ngyimwichi,” kyaindi alaoshe shilya mawawaso gakye gagamba, nekyeṙeṙa wongo, maa wuloi wukyeri mrimenyi kokye-pfo.

1 Yohane 3:12

Lulawe cha Kaini awekyeri o Satana, kawaaga mono-wama okye-pfo. Na oe nalemmbaaga kyipfa kya kyikyi? Cha kyipfa mawuto gakye gawemawicho, na galya ga mono-wamae gawei ga wusumganyi.

1 Yohane 3:15

Orio mndu mosuo mono-wama okye nyi mmbaagi; na nyoe muichi kye orio mmbaagi awoṙe moo o mlungana mrimenyi kokye-pfo.

Yuda 1:6

Na malaika walaleringa wuchilyi wowo wawenyi, kyaindi wakaṙa kanyi kowo kuwewaṟi nalewawika shipfungonyi sha mlungana kundu ko meema ko ianduyo lya mfiri ulya ung'anyi.

Ulogo 12:9

Injoka lyilya lyikawiyitso, lyilya lying'anyi, njoka ya kacha, yekyelago Mokyiriinzi ang'u Satana, ekyelemba wuyana woose; kawiyitso mṟasa urukyenyi, na malaika wakye wakawiyitso hamwi na oe.

Ulogo 13:14

Nalyo lyikatewe walya wekyekaa urukyenyi, kui shiṟingyishio shilya lyileenengo ishiloṟa mbele ya indo-lyo, lyechiwia walya wekyekaa urukyenyi ilyiachikyia ifano lya indo lyilya, lyiwewoṙe ifaṟo lya ushu, nalyo lyikawaṙa moo.

Ulogo 2:10

Ulaowuoe shindo shechikukooya. Manya kye Mokyiriinzi-cho nechiṟukucha wengyi kyiiṙi kyanyu kyipfungonyi kundu muyesho, na nyoe mochilya wukyiwa mfiri ikumi. Uwe msimiri mṟasa ipfa, na inyi ngyechikuenenga oṟo ya moo.

Ulogo 21:8

Indi waowu, na walawoṙe iiṙikyia, na wekyewuta mawicho, na wawaagi, na waṟui, na wasawi, na iwo wekyeterewa na iindia mafano, na woose wekyeṙeṙa wongo, ṙombo lyawo nyi kulya iruwenyi lyekyeaka moṙo na kyipiriti. Ilu nyilo upfu lo kawi.”

Ulogo 22:15

Ipfo nja kuwoṙe shite, na wasawi, na waṟui, na wawaagi, na iwo wekyeterewa na iindia mafano, na orio mndu akundi wongo na iṙeṙa wongo.

Ulogo 9:11

Na wuye yatso tsiwewoṙe mangyi, na oe nyi malaika o halya-ndu wandu wapfiie wekyekaa, ekyelago Abadoni (kyimwi na igamba Mrumatsi) kui mṙeṙie o Kyiebrania, na Apolyioni kui mṙeṙie o Kyikyiṟikyi.