Yohane 8:43 - Kivunjo New Testament 1999

⁴³ Kyitewe mulaimanya ikyo ngyigamba ny'kyi? Nyi kyipfa nyoe mulaiiṙima imanya malosho gako.

Yohane 8:43 ပူးပေါင်းရင်းမြစ်များ

Matayo 13:15

Kyipfa mrima ya wandu-wa yawa ngyiumu, na kui maṙwi gawo wekyeicho necha-pfo, na washingyie meso gawo; walachewona kui meso gawo, walaicho kui maṙwi gawo, wakamanya kui mrima yawo, wakangyigalukyia, ngawakyiṟa.’ ”

Yohane 5:25

Ny'kyaloi ngammbia, kyiyeri kyiicha, nakyo kyamcha, wapfu wechiicho ṟui lya Mono-Ruwa, na walya wechilyiaṙanyia wechiwaṙa moo.

Yohane 5:43

Inyi ngyilecha kui rina lya Awu oko kyaindi nyoe muingyiambilyia-pfo; ungyi kacha kui rina lyakye amonyi, icho mochimwambilyia.

Yohane 6:60

Kyasia kyiyeri wandu wafoi kyiiṙi kya wanalosho wakye waleicho, walegamba, “Kyindo-kyi kyikyiumu; nyi wui eiṙima ikyiiṙikyia?”

Yohane 7:17

Mndu kakunda iwuta kyilya Ruwa akundi, nechimanya mbonyi tsa malosho-ga, kye gawukyie ko Ruwa, ang'u kye inyi ngyiṙeṙa kui wuchilyi woko inyi ngyimonyi tupu.

Yohane 8:27

Maa walemanya kye naweiwaongoya mbonyi tsa Awu-pfo.

Yohane 8:33

Wakamgaluo, wakagamba, “Soe nyi kyishari kya Abrahamu, maa lulandewe watumo wa mndu kyiyeri maa kyimwi-pfo; na iyoe nuigamba, ‘Mochiwuto wusingyenyi?’ ”

Yohane 8:39

Wakagaluo, wakammbia, “Awu oṙu nyi oe Abrahamu!” Yesu kawawia, “Kokooya muwei wana wa Abrahamu, muweṟunda maṟunda ga Abrahamu.

Mawuto Ga Wasu 7:51

“Nyoe shichoi, mulawaṙine mrima maa maṙwi ganyu. Mfiri yoose mulelega Mumuyo Mweele; chandu waku wanyu walewuta, na nyoe nyi wuṙo.

Waroma 3:11

Kuwoṙe aichi-pfo, kuwoṙe aipfula Ruwa-pfo.