Yohane 8:37 - Kivunjo New Testament 1999

³⁷ Ngyiichi kye nyoe nyi kyishari kya Abrahamu; kyaindi mukundi ingyiwaaga cha kyipfa kyilya ngyimlosha kyikyeri mrimenyi konyu-pfo.

Yohane 8:37 ပူးပေါင်းရင်းမြစ်များ

Matayo 13:15

Kyipfa mrima ya wandu-wa yawa ngyiumu, na kui maṙwi gawo wekyeicho necha-pfo, na washingyie meso gawo; walachewona kui meso gawo, walaicho kui maṙwi gawo, wakamanya kui mrima yawo, wakangyigalukyia, ngawakyiṟa.’ ”

Matayo 3:9

Maa mulakusaṟe mrimenyi konyu kye, ‘Muwoṙe awu, nyi oe Abrahamu; kyipfa ngammbia kye Ruwa neiṙima kyiiṙi kya magoe-ga iiria Abrahamu wana.’

Yohane 10:31

Kyasia Wayuda wakaira-se magoe kundu wamkape nago.

Yohane 11:53

Kyasia wookyia mfiri-cho walewika kyikweena kyemmbaaga.

Yohane 5:44

Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Yohane 7:19

Ngyesa Mose alemuenenga uwawaso-pfoe? Maa kuwoṙe umwi onyu aiosha uwawaso-pfoe. Ny'kyilyi mukundi ingyiwaaga.”

Yohane 7:25

Kyasia wandu waata wa Yerusalemu wakagamba, “Ichu chi ulya wandu waimpfula kundu wammbaage-pfoe?

Yohane 8:33

Wakamgaluo, wakagamba, “Soe nyi kyishari kya Abrahamu, maa lulandewe watumo wa mndu kyiyeri maa kyimwi-pfo; na iyoe nuigamba, ‘Mochiwuto wusingyenyi?’ ”

Yohane 8:43

Kyitewe mulaimanya ikyo ngyigamba ny'kyi? Nyi kyipfa nyoe mulaiiṙima imanya malosho gako.

Yohane 8:56

Abrahamu, awu onyu, nalechihiyo chandu echiwona mfiri o icha lyako; na oe kauwona kachihiyo.”

Yohane 8:59

Kyasia wakaira magoe kundu wamkape nago; kyaindi Yesu kakuṟiika, kawuka kulya hekalunyi.

Yohane 8:6

Nawo walegamba kuṙo wechimyesha, kundu wawone kyimaṙuma kyemshitakyi. Kyaindi Yesu kaarama, kaṟeia na kyimnyoe kyakye iho terinyi.

Mawuto Ga Wasu 13:26

“Wana wa wama wako, wana wa kyishari kya Abrahamu, na iwo wai konyu waowuye na ikunda Ruwa, Ṙeṙo lya wukyiṟo-wu lyaendo na koṙu nyi mndu Ruwa amṙumie.

Waroma 9:7

Maa wailago wana kyipfa kya ilyi wakyeri wa ushari lo Abrahamu-pfo, indi, “Kyiiṙi kya Isakyi ushari lopfo lochilago.”

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

1 Yohane 2:14

Ngamuṟeia nyoe waawu, cha kyipfa muichi ulya akyeri pfo wookyia mawookyionyi. Ngamuṟeia nyoe wanakye, cha kyipfa muwoṙe pfinya, na Ṙeṙo lya Ruwa lyikeri mrimenyi konyu, na nyoe mowinga ulya mmbicho.