Yohane 8:17 - Kivunjo New Testament 1999

¹⁷ Lyingyi-se uwawasonyi lonyu kyikyiṟeie kye ‘Wuṟingyishi wo wandu wawi nyi wo loi.’

Yohane 8:17 ပူးပေါင်းရင်းမြစ်များ

Matayo 18:16

Ote, kokooya alaaṙanyia, ṙuo handu hamwi na iyoe mndu umwi ang'u wawi, kundu kui maṙumbu ga waṟingyishi wawi ang'u waṟaaṟu orio ṙeṙo lyimanyikye na pata.

Yohane 10:34

Yesu kawagaluo, kagamba, “Ngyesa uwawasonyi kyikyiṟeie kye Ruwa nagamba, ‘Nyoe nyi waruwa?’

Yohane 15:25

Kyaindi kundu kyindo kyilya kyikyiṟeie uwawasonyi lowo kyiafukyie, kyindo kyigambie, ‘Walengyisuo wulya.’

2 Wakorinto 13:1

Nyi kamba lya kaṟaaṟu inyi icha na konyu. Kui maṙumbu ga waṟingyishi wawi ang'u waṟaaṟu orio ṙeṙo lyechimanyika na pata.

Wagalatia 3:24

Koikyo uwawaso lowa msongoru moluende na ko Kristo, kundu lutalyio wusumganyi kui iiṙikyia.

Wagalatia 4:21

Ngyiwienyi, nyoe mukundi ichilyio nyi mawawaso. Ngyesa mokyeicho kyindo mawawaso gagamba-pfoe?

Waebrania 10:28

Mndu alemina mawawaso ga Mose nekyewoogo kulawoṙe iwonio wukyiwa, kyiyeri waṟingyishi wawi ang'u waṟaaṟu wagamba kye nammbicho.

1 Yohane 5:9

Lukoambilyia wuṟingyishi wo wandu, wuṟingyishi wo Ruwa nyi wung'anyi ngoseṟa; cha kyipfa wuṟingyishi wo Ruwa nyiwo iwu, kye naṟingyishia Mono-kye.

Ulogo 11:3

Na inyi ngyechienenga momu waṟingyishi wako wawi, nawo wechionguo shisuku mfiri kyiku, magana gawi na makumi gaṟandaaṟu, wawaṟikye makunyia.”