Yohane 7:39 - Kivunjo New Testament 1999

³⁹ Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Yohane 7:39 ပူးပေါင်းရင်းမြစ်များ

Matayo 16:14

Wakagamba, “Wengyi wekyegamba nui Yohane Mpatisi, wengyi Elyiya, wengyi Yeremia ang'u umwi o weonguo shisuku.”

Matayo 21:11

Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Luka 24:49

Na inyi ngyimuendie kyaasa kya Awu oko; kyaindi ṙionyi kunu mṟinyi, mṟasa muṟiko pfinya tsiwukyie wuye.”

Luka 3:16

Yohane nalegaluo kawia woose, “Loi inyi ngyimupatisa kui mṟinga, kyaindi naicha mndu awoṙe pfinya kuta inyi, ngilechiiṙima maa ituruchuo ngowa tsa shiaṙu shakye. Oe nemupatisa kui Mumuyo Mweele na kui moṙo.

Luka 7:16

Wuowu wukowawaṙa woose, wakaṟumisha Ruwa, wechigamba, “Moonguo shisuku ang'anyi nacha na koṙu, na Ruwa naambuya wandu wakye.”

Yohane 1:21

Nawo wakammbesa, “Nyi wui-ng'u? Iyoe nyi Elyiya?” Kagamba, “Inyi chi oe-pfo.” “Iyoe nyi moonguo shisuku ulya?” Kagaluo, “Ote.”

Yohane 1:25

Wakammbesa, wakammbia, “Ny'kyilyi-ng'u uipatisa kokooya iyoe chi Kristo, maa Elyiya, maa moonguo shisuku ulya-pfo?”

Yohane 1:33

Maa inyi ngyilemmanya-pfo; kyaindi oe alengyiṙuma ipatisa kui mṟinga nalengyiwia, ‘Ulya ochiwona Mumuyo echisoka na iṙamia wuye yakye, icho nyi oe ekyepatisa kui Mumuyo Mweele.’

Yohane 12:16

Mbonyi-tso wanalosho wakye waletsimanya ipfo mawookyionyi-pfo; kyaindi kyiyeri Yesu aleng'anyiso nyi lyo-ndu walekumbuo kye shiṟeio shiwegambie mbonyi tsakye kuṙo, na kye walemmbutia isho.

Yohane 12:23

Yesu na oe kawagaluo, kagamba, “Kyiyeri kyamshika. Mana o Adamu naṟumisho.

Yohane 14:13

Na nyoe, mukoterewa kyindo kyoose kyipfa mukyeri wanalosho wako, ikyo ngyechikyiwuta, kundu Awu nang'anyiso kyiiṙi kya Mana.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 16:14

Oe nechingying'anyisa inyi; cha kyipfa nechiicho shilya ngyekyegamba na imuongoya.

Yohane 16:7

Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 17:1

Yesu nalegamba mbonyi-tso, kaambuya ruwewu, kagamba, “Awu, kyiyeri kyamshika. Ng'anyisa Mono-pfo, kundu Mono-pfo nakung'anyise iyoe;

Yohane 17:5

Na wulalu, Awu, ungying'anyise inyi hamwi na iyoe, kui kyiṟumi kyilya ngyiwewoṙe kyiyeri wuyana wulagumbo.

Yohane 20:22

Na oe amgambe kuṙo, kawaumuya mṟufui, kawawia, “Ambilyienyi Mumuyo Mweele.

Yohane 6:14

Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”

Yohane 7:12

Kukowaṙa mnunuwo ifoi kyipfa kya Yesu kyiiṙi kya walya wawesanzie halya. Wengyi wakagamba, “Nyi mndu mcha.” Na wengyi wakagamba, “Chi wuṙo-pfo; nailemba walya wasanzie iha.”

Yohane 8:54

Yesu kagaluo kagamba, “Ngakuṟumisha inyi ngyimonyi, kyiṟumi kyako chi kyindo-pfo. Ekyengyiṟumisha nyi Awu oko, ulya nyoe muigamba kye nyi Ruwa onyu.

Mawuto Ga Wasu 19:2

kawawesa, “Kyiyeri muleiṙikyia Yesu muleambilyia Mumuyo Mweele?” Wakamgaluo wakagamba, “Ote. Maa luleicho kye kuwoṙe Mumuyo Mweele-pfo.”

Mawuto Ga Wasu 2:17

‘Mfiri yefurumia, Ruwa nagamba ngyechipusia wandu woose Mumuyo oko, na wana wanyu wa kyisoṟo na wa kyika wechionguo shisuku; na wanakye wanyu wechiwona shindo shilandeafukyie; na wandu waku wechiloṙo.

Mawuto Ga Wasu 2:33

Kyasia oe, kamṙoso mṟasa kuwoko ko kulyoe ko Ruwa, na iambilyia ko Awu kyaasa kyilya kya Mumuyo Mweele, napusuo kyindo-kyi mukyiwonyi na ikyiicho wulalu.

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

Mawuto Ga Wasu 3:13

Ruwa o Abrahamu na o Isakyi na o Yakobo, Ruwa o waku waṙu, nang'anyisa mṟundi okye Yesu, ulya nyoe mulemṟiinga na imkana mbele ya Pilato, kyiyeri aleṙumbuo kye nalekyio.

Mawuto Ga Wasu 4:31

Na wamterewe Ruwa, handu halya wawesanzie hakasunzo-sunzo, woose wakaichuo Mumuyo Mweele, wakaonguo Ṙeṙo lya Ruwa kui wuṟango na wukari.

Waroma 8:9

Kyaindi kokooya Mumuyo o Ruwa nakyeri mrimenyi konyu, nyoe muiosha mmbiu-pfo; indi muiosha Mumuyo. Kyaindi kokooya mndu oose alawoṙe Mumuyo o Kristo, icho chi okye-pfo.

2 Wakorinto 3:8

Ngyesa iṟunda lya Mumuyo lyechiengyeṟika iwa mng'anonyi-pfoe?

Wafilyipi 4:30

Maa mulaenengye ikuinaṙia Mumuyo ulya Mweele o Ruwa; akyeri kye kokye mulewiko fana yeṟingyishia mṟasa mfiri o ikyiṟo.