Yohane 7:37 - Kivunjo New Testament 1999

³⁷ Na mfiri o furumia, mfiri ulya ung'anyi o mṟumoe, Yesu kagoṟoka, kakuilenga na ṟui lying'anyi, echigamba, “Mndu kawoṙo nyi nyoṙa, nache na koko nawone kyindo kyenyo.

Yohane 7:37 ပူးပေါင်းရင်းမြစ်များ

Matayo 11:28

Nnjonyi na koko, nyoe moose muiwina na muwalemie nyi maṟio, na inyi ngyechimuonyonyisha.

Matayo 3:3

Cha kyipfa icho nyi oe alegambo nyi moonguo shisuku echigamba, “Ṟui lya mndu aieṙia nuka, ṟeyeṟenyi njia ya Mndumii, goṟotsenyi kundu echiiṙia.”

Matayo 5:6

Wagusu iwo wawoṙe njaa na nyoṙa ya wusumganyi; kyipfa iwo wechiigutso.

Yohane 1:23

Kagamba, “Inyi nyi ṟui lya mndu aieṙia kundu ko nuka, ‘Goṟotsenyi mṟaṟu o Mndumii!’ Chandu moonguo shisuku Yesaya alegamba.”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 4:11

Mndu mka ulya kammbia, “Mndumii, uwoṙe kyindo kyeṙahia-pfo, na kyisima kyikyileshi. Nyi kwi owona mṟinga-cho uwoṙe moo?

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 5:40

Maa mukundi icha na koko muwone moo o mlungana-pfo.

Yohane 6:35

Yesu kawawia, “Inyi nyi kyelya kya moo; ulya acha na koko echiicho njaa maa ale-pfo; na ulya angyiiṙikyie echiwoṙo nyi nyoṙa-pfo.

Yohane 6:37

Walya Awu angyienenga wechicha na koko; maa kuwoṙe mndu echicha na koko ngyimmbiyitse nja maa ale-pfo.

Yohane 6:55

Cha kyipfa mmbiu oko nyi kyelya kya loi, na samu yako nyi kyindo kyenyo kya loi.

Yohane 7:28

Kyasia Yesu kakuilenga kulya hekalunyi, kalosha echigamba, “Inyi mungyiichi, na kundu ngyiwukyie muichi; maa ngyilecha kui wuchilyi woko ngyimonyi-pfo. Ulya alengyiṙuma nyi o loi indi mumwichi-pfo.

1 Wakorinto 10:21

Moiṙima inyo kyindo iwuka kyiṙoonyi kya Mndumii na kyiṙoonyi kya waṟufui wa Satana-pfo.

1 Wakorinto 10:4

Woose wakanyo kyindo kyilya kyilya kya mrima; cha kyipfa walenyo iwuka kulya iṟaṟenyi lyilewaosha; na iṟaṟa-lyo lyiwei nyi Kristo.

1 Wakorinto 11:25

Na wuṙo numa ya ilya kaira kyiṙoo, echigamba, “Kyiṙoo-kyi nyi mma mhya samunyi yako; wutenyi kuṙi orio kyiyeri muinyo, kui ingyikumbuo.”

1 Wakorinto 12:13

Cha Kyipfa Mumuyonyi umwi soe loose lulepatiso iwa mmbiu umwi. Kye lui Wayuda, ang'u kye lui Wakyiṟikyi; kokooya lui watumo ang'u wandu lulawachilyie nyi mndu; na soe loose luleletsio Mumuyo umwi.

Wafilyipi 5:18

Lyingyi-se mulanango mpfinyo, kyipfa wuwoṙe mbonyi tsa ukoe, indi muichuṟo nyi Mumuyo.

Ulogo 21:6

Kangyiwia, “Shammarisika. Inyi nyi Alyifa na Omeka, mawookyionyi na mafurumionyi. Inyi ngyechienenga ulya awoṙo nyi nyoṙa ya shoka ya mṟinga o moo, kulawoṙe itaa kyindo.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,

Ulogo 22:17

Na Mumuyo na Mpora wagamba, “Nnjo! Ulya aichuoe nagambe, ‘Nnjo!’ Na awoṙo nyi nyoṙa nache; na akundi, nanyo mṟinga o moo kulawoṙe itaa kyindo.”