Yohane 7:35 - Kivunjo New Testament 1999

³⁵ Kyasia Wayuda wakawesana, “Ichu nechiyenda kwi mṟasa lulechimmbona? Ngyesa nechiyenda mṟinyi ikyeri nja ya uruka loṙu kulya-ndu wandu walai Wayuda wekyekaa na iwalosha?

Yohane 7:35 ပူးပေါင်းရင်းမြစ်များ

Matayo 12:21

Na rina lyakye wandu walaiṙikyie Ruwa wechilyikusuria.”

Luka 2:32

Ngyeela yelyimika Masanga, na iwa mng'ano o wandu wapfo Isiraelyi.”

Yohane 12:20

Kuwewoṙe Wakyiṟikyi waata kyiiṙi kya wandu walekowayenda Yerusalemu iterewa Ruwa kyiyeri kya mṟumoe ulya o Pasaka.

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Yohane 8:22

Kyasia Wayuda wakagamba, “Ngyesa nechikuwaaga? Cha kyipfa naigamba, ‘Kundu ngyiyenda nyoe moiṙima iyenda pfo-pfo.’ ”

Mawuto Ga Wasu 11:18

Kyiyeri waleicho mbonyi-tsi wakatsia sau, wakaṟumisha Ruwa, wechigamba, “Kyasia Ruwa naenenga walya walaiṙikyie Yesu isaṟia lya iṙumbuya wunyamaṟi, irumbuya lyekyeende moo o mlungana.”

Mawuto Ga Wasu 11:20

Kyaindi waata kyiiṙi kya iwo walepfunga kyaro nyi-we wandu wa Kyipiro na Kyirene, nawo kyiyeri waleshika Antiokyia wakaṙeṙa na Wayuda kui mṙeṙie o Kyikyiṟikyi, wechionguo mbonyi ngyicha tsa Mndumii Yesu.

Mawuto Ga Wasu 14:1

Kyiyeri wawei kulya Ikonio wakaiṙa na sinagoginyi lya Wayuda; na chandu waleonguo mbonyi, Wayuda na Wakyiṟikyi wafoi wakaiṙikyia Yesu.

Mawuto Ga Wasu 17:4

Wandu wengyi kyiiṙi kya Wayuda walya wakaiṙikyia, wakaoshana na Paulo na Sila; na Wakyiṟikyi waweiṙikyie Ruwa, wafoi mnu hamwi na waka wawoṙe rina.

Mawuto Ga Wasu 18:4

Orio mfiri o onyonya kagamba shilya awekusaṟie sinagoginyi, kapfuṟukana ikuruo Wayuda na Wakyiṟikyi wagalukyie ura lokye.

Mawuto Ga Wasu 21:21

Nawo wammbio mbonyi tsapfo, kye nuilosha Wayuda woose wekyekaa ngyuurukyenyi tsa wandu walaiṙikyie Yesu iṙa malosho ya Mose, ochiwawia walaṙine wana wawo, maa iosha miichiwie ya Wayuda.

Mawuto Ga Wasu 22:21

Na oe kangyiwia, ‘Yenda, cha kyipfa inyi ngyechikuṙuma uyende kuleshi ko wandu walangyiiṙikyie.’”

Waroma 1:16

Kyipfa ngyiwonia sonu Ndumi Ngyicha-pfo; kyipfa nyi wuiṙimi wo Ruwa wokyeende wukyiṟo, ko orio mndu aiṙikyie, ko Myuda kuwooka, na ko Mkyiṟikyi taa.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Wakolosai 1:27

Iwo Ruwa alekunda iwamanyisha chandu wukyeri wunjana wo mng'ano wo wuṟikyi-wu kyiiṙi kya walya walaiṙikyie Ruwa nawo nyi Kristo mrimenyi konyu, ikusuria lya mng'ano.

1 Timoteo 2:7

Na inyi kyipfa kya wukyiṟo-wo ngyilewiko ngyiwe moonguo Ṙeṙo lya Ruwa na msu (ngyiṙeṙa loi, ngyiṙeṙa wongo-pfo), mlosha o wandu walaiṙikyie Ruwa iiṙikyienyi na wuloi.

2 Timoteo 1:11

ikyeri kye kyipfa kyayo ngyilewiko ngyiwe moonguo mbonyi na msu na mlosha.

Yakobo 1:1

Yakobo, mtumo o Ruwa, na o Mndumii Yesu Kristo, ko wandu woose wa Ruwa wanyanyaṟikyie ipfo na ipfo; ngamuiṟikyiṟa.

1 Petiro 1:1

Inyi Petiro, ngyikyeri msu o Yesu Kristo, ngaṟeia paruo-i ko wasambuṟe wanyanyaṟikyie ipfo na ipfo, wekyekaa cha wayenu ngyuurukyenyi tsa Ponto, na Galatia, na Kapadokyia, na Asia, na Bitinia.