Yohane 7:31 - Kivunjo New Testament 1999

³¹ Na wandu wafoi kyiiṙi kya walya wawesanzie halya wakamwiṙikyia, wakagamba, “Ngyesa kyiyeri Kristo echicha nechiwuta shindo shifoi sha maṟiyisho kuta ishi ichu aiwuta?”

Yohane 7:31 ပူးပေါင်းရင်းမြစ်များ

Matayo 12:23

Wuingyi wo wandu wukoṟiyio, wakagamba, “Ichu chi mono-Dawidi-pfoe?”

Luka 8:13

Na walya wa iṟaṟenyi nyi walya wekyeicho na iambilyia Ṙeṙo-lyo lya Ruwa kui sia; nawo wawoṙe mri-pfo. Wekyeiṙikyia kyiyeri kyifuhi, na kyiyeri kya iyesho wekyewuya na numa.

Yohane 11:45

Kyasia Wayuda wafoi kyiiṙi kya walya walecha na ko Maria, na iwona shilya alewuta, wakamwiṙikyia.

Yohane 12:11

cha kyipfa kyipfa kya Lasaro wandu wafoi walelekana na wang'anyi-wo wa makohanyi, wakaiṙikyia Yesu.

Yohane 12:42

Kyaindi maa kyiiṙi kya wandu wawoṙe rina kyiiṙi kya Wayuda kuwewoṙe wafoi walemwiṙikyia; indi kyipfa kya Mafarisayo waleonguo mbonyi tsakye kulawoṙe iṟikyia-ṟikyia-pfo, kundu walacheimo ikulunga na walya wawekyeyenda sinagoginyi.

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 4:29

“Nnjonyi muwone mndu angyiwia shindo shoose ngyilewuta. Ngyesa ichu chi oe Kristo-pfoe?”

Yohane 4:39

Na kulya mṟinyi Wasamaria wafoi walemwiṙikyia kyipfa kya ulogo lo mndu mka ulya, aleṟingyishia kye, “Nalengyiwia shindo shoose ngyilewuta.”

Yohane 6:2

Na kyisanzionyi kying'anyi kya wandu kyikamwosha, cha kyipfa walewona shiṟiyisho alewutia wandu waluoe.

Yohane 7:26

Kyeambuya chandu aiṙeṙa kulawoṙe iṟikyia kyindo kyaindi wasongoru wa Wayuda waimmbutia kyindo-pfo. Ngyesa kyeiṙima iwa wasongoru-wo wa Wayuda waichi kye ichu nyi oe Kristo?

Yohane 9:16

Kyasia Mafarisayo waata wakagamba, “Mndu-cho awukyie ko Ruwa-pfo, cha kyipfa nekyewuta kyilya kyilawaṟi iwuta mfiri o onyonya.” Wengyi wakagamba, “Mndu mnyamaṟi neiṙima kuṙa iwuta shiṟiyisho cha isho?” Walawaṙe makusaṟo gamwi.

Mawuto Ga Wasu 8:13

Na Simion kaiṙikyia kapatiso, kawaṙana tapu na Filyipo; kaṟiyio kyiyeri alewona ṟigo na shindo shing'anyi sheṟiyisha shiweiwutika.

Yakobo 2:26

Kyipfa chandu kyikyeri kye mmbiu ulawoṙe mrima upfiie, nyi wuṙo na iiṙikyia lyilawoṙe mawuto lyipfiie.