Yohane 7:28 - Kivunjo New Testament 1999

²⁸ Kyasia Yesu kakuilenga kulya hekalunyi, kalosha echigamba, “Inyi mungyiichi, na kundu ngyiwukyie muichi; maa ngyilecha kui wuchilyi woko ngyimonyi-pfo. Ulya alengyiṙuma nyi o loi indi mumwichi-pfo.

Yohane 7:28 ပူးပေါင်းရင်းမြစ်များ

Matayo 11:27

Kagamba, “Ngyimṙambikye shoose na Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya Mana akunda imtambuluya.

Matayo 2:23

Kakaa mṟinyi uwekyelago Nasareti; kundu kyiafukyie kyindo kyileṙeṙo nyi weonguo shisuku: “Nechilago Mnasorayo.”

Matayo 26:55

Saa iya Yesu kawia wuingyi wo wandu, “Ngyesa mofuma cha ilyi mundewaṙa msokyi, muwoṙe ngyuushu na ṟungu, ingyiwaṙa? Orio mfiri ngyileṙamia hekalunyi ngyechilosha, mulangyiwaṙe.

Luka 10:22

Kagamba, “Ngyimwenengye shoose nyi Awu-yoko, maa kuwoṙe aichi Mana, sile Awu-pfo; maa kuwoṙe aichi Awu, sile Mana-pfo, na orio oose ulya mana akundi imshukuya.”

Luka 2:11

Kyipfa inu mṟinyi o Dawidi nafeo, kyipfa kyanyu, Mkyiṟa, nyi oe Kristo Mndumii.

Luka 2:39

Na kyiyeri walemarisa iwuta shoose chandu kyikyigambe mawawasonyi ga Mndumii, walewuya na Galyilaya mṟasa mṟinyi kowo, Nasareti.

Luka 2:4

Yosefu na oe nalefuma Galyilaya, awuka mṟi o Nasareti, kaṙo kayenda Uyuda mṟasa mṟi o Dawidi, okyelago Betilehemu, kyipfa oe nyi o kyishari kya Dawidi;

Luka 2:51

Kayenda nawo mṟasa Nasareti, na oe nawekyewaindia; na wamae kawika isho shoose mrimenyi kokye.

Yohane 1:46

Natanaelyi kammbia, “Kyindo kyicha kyeiṙima iwuka Nasareti?” Filyipo kammbia, “Nnjo uwone.”

Yohane 10:36

ngyesa ulya Awu alemwilyisha, kamṙuma wuyanenyi, nyoe mummbia ‘Nulahia Ruwa’ cha kyipfa ngyilegamba, ‘Inyi nyi Mono-Ruwa?’

Yohane 12:49

Cha kyipfa inyi ngyileonguo mbonyi tsa mrima oko tupu-pfo; indi Awu alengyiṙuma, oe nalengyiwia shindo ngyechigamba.

Yohane 14:10

Uiṙikyie kye inyi ngyikyeri kyiiṙi kya Awu, na Awu nakyeri kyiiṙi kyako? Isho ngyimuongoya wulalu chi makusaṟo gako inyi-pfo kyaindi nyi Awu ulya akyeri kyiiṙi kyako aiṟunda shilya akundi iṟunda.

Yohane 14:31

Kyaindi wandu wa wuyana wamanye kye ngyikundi Awu; na shilya Awu alengyiwia, nyisho ngyiwuta. Nnjonyi luwukye iha.”

Yohane 16:3

Na isho wechimmbutia cha kyipfa waichi Awu maa inyi-pfo.

Yohane 17:25

Awu, iyoe okyeanduya kulawoṙe ikundia, wandu wa wuyana walekumanya-pfo; kyaindi inyi ngyilekumanya, na iwo wamanya kye nyi iyoe ulengyiṙuma.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Yohane 5:32

Kuwoṙe ungyi aingyiṟingyishia; na inyi ngyiichi kye kyilya aingyiṟingyishia nyi kya loi.

Yohane 5:43

Inyi ngyilecha kui rina lya Awu oko kyaindi nyoe muingyiambilyia-pfo; ungyi kacha kui rina lyakye amonyi, icho mochimwambilyia.

Yohane 6:42

Wakagamba, “Ichu chi Yesu, mana o Yosefu, ulya luichi awuye na wamae? Wulalu naigamba kuṙa, ‘Ngyilesoka iwuka ruwewu?’”

Yohane 7:14

Na makyiṙi-gawi ga mṟumoe ulya Yesu kaiṙa na hekalunyi kalosha.

Yohane 8:14

Yesu kagaluo kawawia, “Inyi maa chandu ngyikuṟingyishia ngyimonyi, wuṟingyishi woko nyi wo loi; cha kyipfa ngyiichi kundu ngyiwukyie na kundu ngyiyenda; kyaindi nyoe muichi kundu ngyiwukyie maa kundu ngyiyenda-pfo.

Yohane 8:16

Na kokooya ngyiwechianduya, ianduya lyako lyechiwa lya loi; cha kyipfa inyi ngyikyeri ngyimonyi-pfo, indi ngyikyeri na ulya alengyiṙuma.

Yohane 8:19

Kyasia wakammbia, “Ookwi Awu opfo?” Yesu kagaluo kagamba, “Inyi mungyiichi-pfo; maa Awu oko mumwichi-pfo. Kokooya muwengyiichi inyi, muwechimanya na Awu oko.”

Yohane 8:26

Ngyiwoṙe shindo shifoi shegamba na sheanduya kyipfa kyanyu; kyaindi ulya alengyiṙuma nyi o loi, na inyi shilya ngyileicho kokye nyisho ngyishionguo iha wuyanenyi.”

Yohane 8:42

Yesu kawawia, “Kokooya Ruwa awekyeri awu onyu, muwengyikunda inyi; cha kyipfa ngyilewuka ko Ruwa, na inyi ngyilecha; maa ngyilecha kui ikunda lyako ngyimonyi-pfo, indi oe nyi oe alengyiṙuma.

Yohane 9:29

Soe luichi kye Ruwa naleṙeṙa na Mose; indi icho luichi kundu awukyie-pfo.”

Mawuto Ga Wasu 17:23

Cha kyipfa kyiyeri ngyiweiiṙa ipfo na ipfo na iwona kundu mokyeterewa waruwa, ngyilewona alyitaṟe ingyiṟeie: ‘KO RUWA LULAMWICHI’ Kyasia inyi ngyimuongoya mbonyi tsa ulya nyoe mokyemwindia kulawoṙe immanya.

Waroma 1:28

Na chandu walelega iwika Ruwa ngyuuṟangonyi tsawo, Ruwa nalewaṙa waoshe ngyuuṟango tsawo tsilawoṙe kyiira, wawute shilawaṟi iwuta.

Waroma 3:4

Maa ale; kundu Ruwa nawono nyi o loi, na orio mndu nyi o wongo; chandu kyikyiṟeie, “Kundu umanyikye kye nuwoṙe wusumganyi maṙeṙonyi gapfo, undewinga kyiyeri kya ianduyo.”

2 Wakorinto 1:18

Kyaindi chandu Ruwa ai msimiri, ṙeṙo lyaṙu konyu chi “Yee” na “Ote-pfo.”

2 Wakorinto 4:6

Cha kyipfa Ruwa, icho alegamba, “Ngyeela yewaa iwuka meemenyi,” nyi oe alewaa mrimenyi koṙu, naluenengye ngyeela ya wuṟango wo mng'ano o Ruwa kyaamunyi kya Yesu Kristo.

Tito 1:2

Kyiiṙi kya ikusuria lya moo o mlungana, ulya Ruwa alekyeṙeṙa wongo aleluteṟia wookyia wuyana wulagumbo.

Waebrania 6:18

Shilya kyiiṙi kyasho Ruwa alechiiṙima iṙeṙa wongo, luwone iwiyiṟio moo lyilalolomie, soe lulalekyelyio iosha na isimiria shilya shilewiko mbele yaṙu.

1 Yohane 5:10

Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.