Yohane 7:27 - Kivunjo New Testament 1999

²⁷ Ichu luichi nyi kwi awukyie; indi kyiyeri Kristo echicha kuwoṙe aichi kundu awukyie-pfo.”

Yohane 7:27 ပူးပေါင်းရင်းမြစ်များ

Mariko 6:3

Ichu chi ulya ekyepacha mbau, mana o Maria, na mono-wama o wako-Yakobo, Yose, Yuda, na Simion-pfoe? Na washikyi wakye wakyeri iha koṙu-pfoe?” Koikyo wakammina.

Luka 4:22

Wakamṟingyishia woose, wechiṟiyio kyipfa kya shindo sha isaṟia aleṙeṙa, wakagamba, “Ichu chi mana o Yosefu-pfoe?”

Yohane 6:42

Wakagamba, “Ichu chi Yesu, mana o Yosefu, ulya luichi awuye na wamae? Wulalu naigamba kuṙa, ‘Ngyilesoka iwuka ruwewu?’”

Yohane 7:15

Wayuda wakaṟiyio, wechigamba, “Ichu nawaṙa kuṙa wuṟango na oe asomie-pfo?”

Yohane 9:29

Soe luichi kye Ruwa naleṙeṙa na Mose; indi icho luichi kundu awukyie-pfo.”

Mawuto Ga Wasu 8:33

Kyipfa kya ikutitiṟa aleanduyo-pfo. Nyi wui echiongoya wa kyishari kyakye? Kyipfa moo okye wuyanenyi ommbuto.”