Yohane 7:26 - Kivunjo New Testament 1999

²⁶ Kyeambuya chandu aiṙeṙa kulawoṙe iṟikyia kyindo kyaindi wasongoru wa Wayuda waimmbutia kyindo-pfo. Ngyesa kyeiṙima iwa wasongoru-wo wa Wayuda waichi kye ichu nyi oe Kristo?

Yohane 7:26 ပူးပေါင်းရင်းမြစ်များ

Matayo 22:16

Wakaṙuma kokye wanalosho wawo hamwi na Maherodi, wakagamba, “Mlosha, luichi kye iyoe nyi mndu o loi, na njia ya Ruwa nokyeilosha kui wuloi, maa okyesaṟa rina lya mndu oose-pfo, cha kyipfa okyeambuya fana tsa wandu-pfo.

Luka 23:13

Na Pilato kasanzia handu hamwi na wang'anyi wa makohanyi, wasongoru wa wandu, na wandu,

Luka 7:30

Kyaindi Mafarisayo na walosha wa mawawaso, walelega iwuta kyilya Ruwa awekundi wawute, kyipfa wawewapatise nyi Yohane-pfo.

Yohane 12:42

Kyaindi maa kyiiṙi kya wandu wawoṙe rina kyiiṙi kya Wayuda kuwewoṙe wafoi walemwiṙikyia; indi kyipfa kya Mafarisayo waleonguo mbonyi tsakye kulawoṙe iṟikyia-ṟikyia-pfo, kundu walacheimo ikulunga na walya wawekyeyenda sinagoginyi.

Yohane 18:20

Yesu kamgaluo, kagamba, “Inyi ngaṙeṙa na wandu wa wuyana na pata. Mfiri yoose ngyileloshia sinagoginyi na hekalunyi, handu Wayuda woose wekyesanzia; maa ngyileonguo kyindo kyoose kui kyiṟika-pfo.

Yohane 3:1

Kuwewoṙe mndu umwi kyiiṙi kya Mafarisayo ekyelago Nikodemo, awei msongoru o Wayuda.

Yohane 4:29

“Nnjonyi muwone mndu angyiwia shindo shoose ngyilewuta. Ngyesa ichu chi oe Kristo-pfoe?”

Yohane 7:25

Kyasia wandu waata wa Yerusalemu wakagamba, “Ichu chi ulya wandu waimpfula kundu wammbaage-pfoe?

Yohane 7:31

Na wandu wafoi kyiiṙi kya walya wawesanzie halya wakamwiṙikyia, wakagamba, “Ngyesa kyiyeri Kristo echicha nechiwuta shindo shifoi sha maṟiyisho kuta ishi ichu aiwuta?”

Yohane 7:48

Nyi wui kyiiṙi kya wasongoru ang'u Mafarisayo amwiṙikyie?”

Yohane 9:22

Wafee wakye walegamba kuṙo kui iowuo Wayuda; cha kyipfa Wayuda walekowaiṙikyiana kye mndu echigamba kye nyi Kristo, nechiimo momu o yenda sinagoginyi.

Mawuto Ga Wasu 4:13

Kyasia kyiyeri walewona wuṟango na wukari wo Petiro na Yohane, na imanya kye nyi wandu walasomie, walaichi shindo shifoi, wakaṟiyio, wakamanya kye wawekyeri hamwi na Yesu.

Waefeso 1:14

Na wana wa wama wengyi wakyeri kyiiṙi kya Kristo, wechikarisho nyi iwiko lyako kyipfungonyi, waleengyeṟa mnu ionguo Ṙeṙo lya Ruwa kulawoṙe wuowu.