Yohane 7:19 - Kivunjo New Testament 1999

¹⁹ Ngyesa Mose alemuenenga uwawaso-pfoe? Maa kuwoṙe umwi onyu aiosha uwawaso-pfoe. Ny'kyilyi mukundi ingyiwaaga.”

Yohane 7:19 ပူးပေါင်းရင်းမြစ်များ

Matayo 12:14

Kyaindi Mafarisayo walya wakalya wuṟiingyi chandu wechimrumatsa.

Matayo 21:38

Kyaindi waṙemi walya kyiyeri walewona mana ulya, wakaṙeṙa wo wenyi ko wenyi, wechigamba, ‘Ichu nyi mokyioṟa. Sindenyi lummbaage, luṙuo kyooṟa kyakye.’

Mariko 11:18

Wang'anyi wa makohanyi na walosha wa mawawaso wakamanya mbonyi wakapfula chandu wechimrumatsa; kyipfa walemwowuo, cha kyipfa wuingyi woose wo wandu waleṟiyio kyipfa kya malosho gakye.

Mariko 3:4

Kawawesa, “Nyi sungusinyi mfiri o onyonya iwuta shicha ang'u iwuta shiwicho? Ikyiṟa mrima ang'u iuwaaga?” Wakatsia.

Mariko 3:6

Cha ilyi Mafarisayo walya wakayenda, wakachila mbonyi tsakye hamwi na Maherodi, chandu wechimrumatsa.

Yohane 1:17

Cha kyipfa uwawaso luleṙiko iiṙia Mose; isaṟia na wuloi shilecha iiṙia Yesu Kristo.

Yohane 10:39

Wakalanga-se immbaṙa, kyaindi kakuashuo mawokonyi gawo.

Yohane 11:53

Kyasia wookyia mfiri-cho walewika kyikweena kyemmbaaga.

Yohane 5:16

Cha kyipfa kya ikyo Wayuda wakalyisa Yesu wukyiwa, kyipfa nalewuta isho mfiri o onyonya.

Yohane 5:18

Kyasia kyipfa kya ikyo Wayuda wakaengyeṟa ilanga immbaaga, chi kyipfa alefunja iwawaso lya mfiri o onyonya tupu-pfo, indi hamwi na isho nalelaga Ruwa Awu okye, echikuloṟa kye nalyingananyi na Ruwa.

Yohane 5:45

Mulakusaṟe kye inyi ngyechimshitakyi mbele ya Awu; kuwoṙe echimshitakyi, nyi oe Mose, ulya muikusaṟa nechimtarama.

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Yohane 7:25

Kyasia wandu waata wa Yerusalemu wakagamba, “Ichu chi ulya wandu waimpfula kundu wammbaage-pfoe?

Mawuto Ga Wasu 7:38

Oe nyi oe awekyeri siṟinyi nukyenyi ngyiumu suwaa ilawoṙe maa mṟinga hamwi na malaika ulya aleṙeṙa na oe fumvunyi lya Sinai. Lyingyi-se hamwi na waku waṙu; nyi oe aleambilyia mbonyi tsa moo o mlungana naluwie soe.

Wagalatia 3:19

Kyasia uwawaso nyi kyikyi-ng'u? Uwawaso luleṙiko kyipfa kya maṙeko, mṟasa nache icho amwenengye kyaasa-kyo; kyaasa kyileendo nyi malaika kyiyeri Mose alewa mndu Ruwa alemṙuma ko wandu.

Wagalatia 6:13

Cha kyipfa maa walya wawaṙine wekyeosha kyilya mawawaso gakundi-pfo; indi wakundi nyoe muṙino, waiṙime ikushelyia mmbiu yanyu.