Yohane 7:13 - Kivunjo New Testament 1999

¹³ Kyaindi kuwoṙe mndu alemsenda na pata-pfo, kyipfa kya iowuo Wayuda.

Yohane 7:13 ပူးပေါင်းရင်းမြစ်များ

Yohane 19:38

Isho shoose shammbutikye Yosefu awukyie Arimataya, na oe nyi manalosho o Yesu, (kyaindi kui kyiṟika, kyipfa kya iowuo Wayuda), naleterewa Pilato momu kundu nawute mmbiu o Yesu halya msalabenyi. Na Pilato kamwenenga momu. Kyasia kayenda, kawuta mbiu ulya halya msalabenyi.

Yohane 20:19

Kyukonyi, mfiri ulya o kuwooka o juma; na halya-ndu wanalosho wawekyeri moongo iwengyishingye kyipfa kya iowuo Wayuda, Yesu kacha kagoṟoka makyiṙi-gawi gawo, kawawia, “Ufoṟo lukae konyu.”

Yohane 3:2

Mndu-cho nalecha na ko Yesu kyio, kammbia, “Rabi, luichi kye iyoe nyi mlosha uwukyie ko Ruwa; cha kyipfa kuwoṙe mndu eiṙima iwuta shiṟiyisho-shi uiwuta iyoe-pfo, sile kokooya Ruwa nakyeri na mndu-cho.”

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Yohane 7:11

Kyasia Wayuda wakampfula kulya mṟumoenyi, wakagamba, “Nyi kwi ai mndu ulya?”

Yohane 7:15

Wayuda wakaṟiyio, wechigamba, “Ichu nawaṙa kuṙa wuṟango na oe asomie-pfo?”

Yohane 9:22

Wafee wakye walegamba kuṙo kui iowuo Wayuda; cha kyipfa Wayuda walekowaiṙikyiana kye mndu echigamba kye nyi Kristo, nechiimo momu o yenda sinagoginyi.

Yohane 9:34

Wakagaluo, wakammbia, “Iyoe nulefeeyo wunyamaṟinyi nakamwi, na iyoe nuilulosha soe?” Kui nyashi wakamtsindikyia nja ya sinagogi.

Ulogo 2:13

Ngyiichi handu okyekaa. Nyi ho-ndu hawoṙe kyitima kya mng'ano kya Satana; na iyoe nuwoṙe mnu rina lyako, maa ulekana iiṙikyia lyako-pfo, maa mfiri ulya Antipa, mṟingyishi oko, mndu oko ekyeafutsia shilya ateṟia, alewoogo kyiiṙi kyanyu, halya-ndu Satana ekyekaa.