Yohane 6:64 - Kivunjo New Testament 1999

⁶⁴ Kyaindi kuwoṙe wengyi kyiiṙi kyanyu walawoṙe iiṙikyia.” Cha kyipfa Yesu nalemanya wookyia mawookyionyi nyi wakyi walawoṙe iiṙikyia, na nyi wui echimṟiinga.

Yohane 6:64 ပူးပေါင်းရင်းမြစ်များ

Matayo 10:4

Simion Mkananayo, na Yuda Isikariote, na oe nyi oe alemṟiinga.

Yohane 10:26

Kyaindi nyoe muiṙikyia-pfo, cha kyipfa mukyeri poonyi lya moondo gako-pfo.

Yohane 18:4

Kyasia Yesu, aichi shoose shechimmbutikyia, kafuma kulya bustanyinyi, kawawia, “Nyi wui muimpfula?”

Yohane 5:42

Kyaindi ngamanya kye nyoe muwoṙe ikunda lya Ruwa mrimenyi konyu-pfo.

Yohane 6:36

Kyaindi ngyilemmbia kye momngyiwona indi muiṙikyia-pfo.

Yohane 6:60

Kyasia kyiyeri wandu wafoi kyiiṙi kya wanalosho wakye waleicho, walegamba, “Kyindo-kyi kyikyiumu; nyi wui eiṙima ikyiiṙikyia?”

Yohane 6:61

Na Yesu aichi mrimenyi kokye kye wanalosho wakye walenunuwa kyipfa kya kyindo-kyo, kawawia, “Ngyesa kyindo-kyi kyimutewe iilacha iiṙikyia lyanyu?

Yohane 6:66

Kyipfa kya isho wandu wafoi wanaloshonyi wakye wakawuya na numa, walaoshane na oe-se.

Yohane 8:23

Kawawia, “Nyoe nyi wa iha wanda wuyanenyi, inyi nyi o wuye ruwewu. Nyoe nyi wa wuyana-wu, inyi chi o wuyana-wu-pfo.

Yohane 8:55

Maa nyoe mulemmanya-pfo; kyaindi inyi ngyimwichi. Ngagamba kye ngyimwichi-pfo ngyechiwa mndu ekyeṙeṙa wongo cha nyoe; kyaindi ngyimwichi, na malosho gakye ngyekyegaosha.

Mawuto Ga Wasu 15:18

Ruwa nagamba, ekyeonguo mbonyi-tsi mṟasa mlungana.’ ”

Waroma 8:29

Kyipfa walya awewaichi wookyia mawookyionyi, nalewasambuṟa wookyia mawookyionyi wafananyisho na mfano o Mono-kye, kundu oe nawe mmbele o wana wa wama wafoi.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.