Yohane 6:61 - Kivunjo New Testament 1999

⁶¹ Na Yesu aichi mrimenyi kokye kye wanalosho wakye walenunuwa kyipfa kya kyindo-kyo, kawawia, “Ngyesa kyindo-kyi kyimutewe iilacha iiṙikyia lyanyu?

Yohane 6:61 ပူးပေါင်းရင်းမြစ်များ

Matayo 11:6

Agusu orio mndu alammbihie kyipfa kyako.”

Matayo 17:27

Kyaindi kundu lulachewawutia kyindo lukowawihiṟa, yenda ipalyipalyinyi undewiyitsa-pfo ndoana uwaṙe ikunga lyilya lyawoneka kuwooka, na kotambaṟuo ṙumbu lyalyo nowona shekyelyi yetaa ukamba lo hekalu. Ṙuo iyo undewaenengyia kyipfa kyako na kyipfa kyapfo.”

Yohane 16:19

Yesu nalemanya kye wawekundi immbesa; kawawesa, “Ny'kyo muiwesana, kye ngyilegamba, ‘hatsugae kyiyeri kyitutu na nyoe mochingyiwona-pfo; na lyingyi-se hatsugae kyiyeri kyitutu na nyoe mochingyiwona?’

Yohane 21:17

Kammbia-se lya kaṟaaṟu, “Simion mana o Yohane, ungyikundi?” Kammbia, “Mndumii, iyoe nuichi shoose; iyoe nuichi kye ngyikukundi.” Yesu kammbia, “Ambuya moondo gako.”

Yohane 6:64

Kyaindi kuwoṙe wengyi kyiiṙi kyanyu walawoṙe iiṙikyia.” Cha kyipfa Yesu nalemanya wookyia mawookyionyi nyi wakyi walawoṙe iiṙikyia, na nyi wui echimṟiinga.

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.