Yohane 6:57 - Kivunjo New Testament 1999

⁵⁷ Chandu Awu ai na moo alengyiṙuma inyi, na inyi ngyiwoṙe moo kyipfa kyakye, na wuṙo taa ulya alya mmbiu oko echiwaṙa moo kyipfa kyako.

Yohane 6:57 ပူးပေါင်းရင်းမြစ်များ

Matayo 16:16

Simion Petiro kagaluo, kagamba, “Iyoe nyi oe Kristo, Mono-Ruwa ai na moo mlungana.”

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 17:21

Woose wawaṙane tapu; chandu iyoe, Awu, ukyeri kyindo kyimwi na inyi, na inyi kyindo kyimwi na iyoe; iwo nawo wawe kyindo kyimwi na soe; kundu wandu wa wuyana waiṙime iiṙikyia kye nyi iyoe ulengyiṙuma.

Yohane 3:17

Cha kyipfa Ruwa aleṙuma Mana wuyanenyi kundu naanduye wuyana-pfo, indi wuyana wukyiṟo kui oe.

Yohane 5:26

Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana.

Yohane 6:29

Yesu kagaluo, kawawia, “Ilyi nyilyo iṟunda lya Ruwa, mumwiṙikyie ulya aleṙumo nyi oe.”

Yohane 6:38

Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi.

1 Wakorinto 15:22

Cha kyipfa kyiiṙi kya Adamu woose wekyepfa, na wuṙo kyiiṙi kya Kristo woose wechienengo moo.

1 Wakorinto 15:45

Nyi wuṙo kyikyiṟeie, “Mndu o kuwooka, Adamu, nalewa kyindo kyiwoṙe moo, Adamu o mafurumionyi nyi mumuyo okyeende moo.”

2 Wakorinto 13:4

Kyipfa nalewoogio msalabenyi, wufafenyi, kyaindi nai na moo kui pfinya tsa Ruwa. Kyipfa maa soe lukyeri wafafa kyiiṙi kyakye; indi lochikaa na moo hamwi na oe kui pfinya tsa Ruwa.

Wagalatia 2:20

Ngyilekapio msalabenyi hamwi na Kristo; kyaindi ngyiwoṙe moo; maa chi inyi-se-pfo, indi Kristo nai na moo mrimenyi koko. Na moo ngyiwoṙe wulalu mmbiunyi ngyiuwoṙe kyiiṙi kya iiṙikyia Mana o Ruwa, ulya alengyikunda kareka moo okye kyipfa kyako.

1 Watesalonikye 1:9

Cha kyipfa wo wawenyi waionguo mbonyi tsaṙu, chandu mbonyi tsaṙu tsilewa kyiyeri lulecha na konyu; na chandu muleindukyia Ruwa mukolekana na mafano, kundu muṟundie Ruwa ai na moo, o loi.

Waebrania 9:14

kyasia chi ngoseṟa samu ya Kristo, ulya kye kui Mumuyo o mlungana alereka moo ko Ruwa iwa kyienengo kyilawoṙe tewe, kyechisanja shilya mukusaṟie mrimenyi konyu na mṟumoe ilawoṙe kyiira, muiṙime iindia na iterewa Ruwa ai na moo?

1 Yohane 4:9

Kyipfa kya ikyo ikunda lya Ruwa lyilewoneka koṙu, kye Ruwa naleṙuma Mono-kye kyimuumwi wuyanenyi, kundu luwaṙe moo kui oe.