Yohane 6:51 - Kivunjo New Testament 1999

⁵¹ Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Yohane 6:51 ပူးပေါင်းရင်းမြစ်များ

Matayo 20:28

Chandu Mono-Adamu alalecha iṟundio, kyaindi iṟunda, na ireka moo uwe kyindo kyekyiṟa wanyamaṟi.”

Luka 22:19

Kaambilyia mkate, kaana, kaupeṟenguo, kawaenengyia echigamba, “Ichu nyicho mmbiu oko uiwuto kyipfa kyanyu. Wutenyi kuṙi kui ingyikumbuo.”

Yohane 1:14

Na Ṙeṙo nalewa mndu, kakaa koṙu; na soe lukowona mng'ano okye, mng'ano cha o Mana kyimuumwi awukyie ko Awu; naichuo isaṟia na wuloi.

Yohane 1:29

Ilya-ngama kawona Yesu echicha na kokye, kagamba, “Aikyi Kyiondo kya Ruwa, kyechiwuta ngyuunyamaṟi tsa wuyana!

Yohane 11:26

Na orio mndu awoṙe moo na ingyiiṙikyia inyi echipfa kyimrima mṟasa mlungana-pfo. Ngyesa nuiṙikyie isho?”

Yohane 3:13

Maa kuwoṙe mndu alemṙo na ruwewu sile Mana o Adamu ulya alesoka iwuka ruwewu-pfo.”

Yohane 3:14

“Na chandu Mose aleira njoka iya kulya nukyenyi ngyiumu suwaa ilawoṙe maa mṟinga, na wuṙo Mana o Adamu awaṟi iiro;

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Yohane 3:36

Aiṙikyie Mana nawoṙe moo o mlungana; alaiṙikyie Mana echiwona moo-pfo, indi nyashi ya Ruwa yechimwolokyia.”

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Yohane 6:33

Cha kyipfa kyelya kya Ruwa nyi kyilya kyisokyie iwuka ruwewu na ienenga wuyana moo o mlungana.’ ”

Yohane 6:35

Yesu kawawia, “Inyi nyi kyelya kya moo; ulya acha na koko echiicho njaa maa ale-pfo; na ulya angyiiṙikyie echiwoṙo nyi nyoṙa-pfo.

Yohane 6:41

Kyasia Wayuda wakamnunuwia, cha kyipfa nalegamba, “Inyi nyi kyelya kyilesoka iwuka ruwewu.”

Yohane 6:47

Ny'kyaloi ngammbia, ‘Ulya aiṙikyie nawoṙe moo o mlungana.’

Yohane 6:48

Inyi nyi kyelya kya moo.

Yohane 6:50

Indi ikyi nyi kyelya kyisokyie iwuka ruwewu, kye mndu kakyilya alapfe.

Yohane 7:38

Ulya angyiiṙikyia inyi, chandu kyikyiṟeie ipfo shiṟeionyi shiele, mfo ya mṟinga uwoṙe moo yechiwuka mrimenyi kokye.”

2 Wakorinto 5:19

Ulogo loṙu nyi kye Ruwa naisanza wandu woose na oe kui Kristo. Ruwa aletala ngyuunyamaṟi tsawo-pfo. Na naluenenga ulogo lo sanza washituwa.

2 Wakorinto 5:21

Oe alaichi wunyamaṟi nalemmbuta kyipfa kyaṙu, kundu soe luiṙime iwa wusumganyi wo Ruwa kui oe.

Wafilyipi 5:2

Muchumie ikundenyi, chandu na Kristo alemukunda nyoe, lyingyi-se kareka moo okye kyipfa kyaṙu, kyiano na kyiṙaso ko Ruwa, iwa mpfaamo o kyindo kyekyepfaama necha.

Wafilyipi 5:25

Lanyoe wasoṟo, kundenyi waka wanyu, chandu Kristo na oe alekunda Siṟi, kareka moo okye kyipfa kyayo;

Tito 2:14

ulya alereka moo okye kyipfa kyaṙu, kundu nalukyiṟe lulaolokyio nyi mawicho ga mbaṟe tsoose, na iilyisha wandu wawe wakye oe amonyi, walya wawoṙe wuragari mawutonyi mecha.

Waebrania 10:20

njia iya aleluwookyia ikyeri ngyihya, na ii na moo, njia iiṙie halya nguwonyi yeshingyia ikyeri nyi mmbiu okye;

1 Petiro 2:4

Yendenyi kokye oe, ai igoe lyiwoṙe moo, lyilelego nyi wandu, indi ko Ruwa nyi lyilyisambuṟe, lyiwaṟi iindio.

1 Yohane 2:2

Na oe nyi oe moluwuta ngyuunyamaṟi tsaṙu; chi ngyuunyamaṟi tsaṙu tupu-pfo indi na tsa wandu wa wuyanenyi koose.

1 Yohane 4:10

Ilyi nyilyo ikunda, chi kye soe lulekunda Ruwa-pfo, indi kye oe nalelukunda soe kaṙuma Mono-kye iwa mndu moluhooṟia ngyuunyamaṟi tsaṙu.

1 Yohane 4:14

Na soe lowona na iṟingyishia kye Awu naleṙuma Mana iwa Mkyiṟa o wuyana.