Yohane 6:3 - Kivunjo New Testament 1999

³ Na Yesu kaṙooya fumvunyi, kaṙamia pfo hamwi na wanalosho wakye.

Yohane 6:3 ပူးပေါင်းရင်းမြစ်များ

Matayo 14:23

Na oe amsamane na wuingyi wo wandu, naleṙooya fumvunyi handu halawoṙe wandu, indeterewa. Na kyiyeri kuleila, nawekyeri pfo amonyi.

Matayo 15:29

Yesu kawuka handu halya, kashika mbai ya ipalyipalyi lya Galyilaya, kaṙooya fumvunyi, kaṙamia ho.

Matayo 5:1

Na oe kyiyeri alewona wuingyi wo wandu, naleṙo na fumvunyi; na amṙamie, wanalosho wakye walecha na kokye.

Mariko 3:13

Kaṙooya fumvunyi, kalaga walya alekunda oe amonyi; wakayenda kokye.

Luka 9:28

Numa ya mbonyi-tso, hamwiṙe mfiri nyanya, naleṙuo Petiro na Yohane na Yakobo, kaṙo na fumvunyi kundu nandeterewa.

Yohane 6:15

Naaho-ng'u, aichi kye wawekundi ichemmbaṙa kundu wamgaluo mangyi, nalelekana nawo, kayenda-se fumvunyi alaṙuṙanyi na mndu.