Yohane 6:27 - Kivunjo New Testament 1999

²⁷ Mulapfuṟukane ipfula kyelya kyekyenyamaṟika, indi pfulenyi kyelya kyilekyesia kyekyeende moo o mlungana; kyelya kyilya Mana o Adamu echimuenenga cha kyipfa icho nyi oe aṟingyishio nyi Ruwa kye nyi o sungusinyi.”

Yohane 6:27 ပူးပေါင်းရင်းမြစ်များ

Matayo 17:5

Kyiyeri aweiṙeṙa, ipuchi lyiilyi lyikawaendie mrinje; na ṟui lyikawuka kulya ipuchinyi, lyikagamba, “Ichu nyi Mono-ko, mkunde oko, ngyimchihiye kyipfa kyakye; muaṙanyienyi oe.”

Matayo 25:46

Na iwo wechiyenda na iiṙa na ngaponyi ya mlungana; indi wasumganyi wechiyenda moonyi o mlungana.”

Matayo 3:17

Na ṟui lyiwukyie ruwewu lyikagamba, “Ichu nyi Mana oko, mkunde oko, ngyimchihiye kyipfa kyakye.”

Matayo 6:19

“Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa.

Matayo 8:20

Yesu kammbia, “Mapaara gawoṙe mṟeshe, na shileye sha ngyinenyi shiwoṙe singyi kyaindi Mono-Adamu awoṙe handu heonyonyia-pfo.”

Mariko 1:11

Na ṟui lyikawuka ruwewu, lyikagamba, “Iyoe nyi oe Mono-ko, mkunde oko; ngyimchihiye kyipfa kyapfo.”

Mariko 9:7

Numa ya iho hakawoneka ipuchi, lyikawaendie kyirinje. Ṟui lyikawuka kulya ipuchinyi, “Ichu nyi Mono-ko, mkunde oko, mwaṙanyienyi oe.”

Luka 3:22

Mumuyo Mweele kasokyia wuye yakye kui mfano o mmbiu cha mbuna; ṟui lyikawuka Ruwewu, “Iyoe nyi Mana oko, mkunde oko, ngyimchihiye kyipfa kyapfo.”

Luka 9:35

Ṟui lyikawuka kulya ipuchinyi, lyechigamba, “Ichu nyi Mono-ko, msambuṟe oko, mwaṙanyienyi oe.”

Yohane 10:28

Na inyi ngyekyegaenenga moo o mlungana; maa gechiṙeka maa ale-pfo; maa kuwoṙe mndu eiṙima igangyisoka-pfo.

Yohane 11:42

Na inyi ngyilemanya kye uyoe nokyengyiaṙanyia mfiri yoose, kyaindi kyipfa kya wandu-wa waisanzia iha ngyilegamba ishi, kundu waiṙime iiṙikyia kye nyi iyoe ulengyiṙuma.”

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 17:2

chandu ulemwenenga momu o ichilyia wandu, kundu woose ulemwenenga nawaenengye moo o mlungana.

Yohane 3:15

kundu orio mndu aiṙikyie nawaṙe moo o mlungana kui oe.

Yohane 3:33

Ulya aleiṙikyia wuṟingyishi wokye naloṟa na pata kye Ruwa nyi loi.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 6:47

Ny'kyaloi ngammbia, ‘Ulya aiṙikyie nawoṙe moo o mlungana.’

Yohane 6:51

Ikyi nyi kyelya kyiwoṙe moo kyilesoka iwuka ruwewu; mndu kalya kyelya-kyo, nechiwaṙa moo mlungana. Na kyelya ngyechienengyia inyi nyi mmbiu oko, kundu wuyana wuwaṙe moo.”

Yohane 6:53

Naaho Yesu kawawia, “Ny'kyaloi ngammbia, mulandelye mmbiu o Mana o Adamu na inyo samu yakye, muwoṙe moo mrimenyi konyu-pfo.

Yohane 6:54

Mndu alya mmbiu oko na inyo samu yako nawoṙe moo o mlungana; na inyi ngyechimṟutsa mfiri o furumia.

Yohane 6:58

Ikyi nyikyo kyelya kyisokyie iwuka ruwewu; chi chandu waku walelya wakapfa-pfo; indi mndu alya kyelya-kyo nechiwaṙa moo mlungana.”

Yohane 6:62

Kyechiwa-se kuṙa kyiyeri mochiwona Mana o Adamu echiṙo na ruwewu kulya-ndu awekyeri?

Yohane 6:68

Simion Petiro kagaluo, kagamba, “Mndumii! Luyende ko wui? Iyoe nuwoṙe maṙeṙo ga moo o mlungana.

Yohane 8:18

Inyi ngyikuṟingyishia ngyimonyi, na Awu ulya alengyiṙuma naingyiṟingyishia.”

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Waroma 4:11

Na oe naleambilyia kyindo-kyi kyeloṟa kye namṙine, iṟingyishia lya wusumganyi wulya wo iiṙikyia awelyiwoṙe alandeṙino. Naiṙime iwa awu o woose waiṙikyie, maa chandu walawaṙine, kundu nawo wawetalyio wusumganyi taa.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

1 Wakorinto 6:13

Shelya shiwaṟi ikaa ndewunyi, na ndewu iwaṟi iwaṙa shelya; kyaindi Ruwa nechinyamaṟa shoose shishiwi, ndewu na shelya. Kyaindi mmbiu uwaṟi iwa o wuṟui-pfo indi o iṟundia Mndumii, na nyi Mndumii ekyeembeṟa mmbiu.

1 Wakorinto 9:2

Cha kyipfa kokooya inyi ngyilakyeri msu ko wandu wengyi, nyi msu konyu nyoe; cha kyipfa nyoe muwalungye na Mndumii kyaloṟa na pata kye inyi nyi msu.

2 Wakorinto 4:18

Lulaambuye shekyewono indi shilya shilekyewono. Shilya shekyewono shekyekaa kyiyeri kyifuhi, indi shilya shilekyewono shekyekaa mlungana.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Waefeso 2:13

Cha kyipfa nyi oe Ruwa aiṟunda maṟunda mrimenyi konyu, iambilyia lyanyu na iṟunda lyanyu, kui iafutsia makusaṟo gakye mecha.

Wakolosai 1:29

Na inyi ngyikuwinisha kui kyindo-kyo ikyo, ngyechipfuṟukana iṙuana na pfinya ing'anyi iwukyie ko Kristo, ekyeṟunda kyiiṙi kyako.

Wakolosai 2:22

(Shindo-sho shoose shiwoṙe kyiira kawi-pfo.)

Wakolosai 3:2

Kusaṟenyi shikyeri wuye, chi shikyeri urukyenyi-pfo.

1 Watesalonikye 1:3

Maa lokyeṙa ikumbuo iṟunda lyanyu lya iiṙikyia, na wukyiwa wonyu ikundenyi, na wusimiri wonyu na ikusuria lyikyeri kyiiṙi kya Mndumii oṙu Yesu Kristo, mbele ya Ruwa Awu oṙu-pfo.

2 Timoteo 2:19

Kyaindi urende lo Ruwa luluikare, na mbonyi tsa Ndumi Ngyicha tsingyiṟeie wuye yalo: “Mndumii naichi wai wakye na lyingyi-se, orio mndu ekyesenda Rina lya Mndumii naṙe wunyamaṟi.”

Waebrania 12:16

Kulawaṙe mndu mṟui maa alaowuye na iindia Ruwa, cha Esau, alekumba kyioṟa kyakye kya mana mmbele kyipfa kya kyelya.

Waebrania 4:11

Kyasia, lupfuṟukane iiṙa na kyiiṙi kya sia-yo, kundu kye mndu oose alacheoloka cha wandu-wo walaleindia Ruwa.

Yakobo 1:11

Kyipfa mnengyeṟi okyeṙo na mrikye, ukoumiṟa iṟa, na kyiwaṟo kya iṟa-lyo kyekyeoloka, na wucha wolyo woose wokyenyamaṟika. Nyi wuṙo mnjama echirumatso njienyi tsakye tsoose.

1 Petiro 1:24

Kyipfa, “Mmbiu oose nyi cha maṟa, na mng'ano ocho nyi cha kyiwaṟo. Maṟa gekyeuma na shiwaṟo shekyeoloka.

2 Petiro 1:17

Kyipfa naleambilyia iwuka ko Ruwa Awu kyiṟumi na mng'ano, iho-ndu aleendio ṟui lyilewuka mng'anonyi ung'anyi, “Ichu nyi Mana oko, mkunde oko, ngyimchihie kyipfa kyakye.”