Yohane 6:26 - Kivunjo New Testament 1999

²⁶ Yesu kawagaluo, kagamba, “Ny'kyaloi ngammbia, nyoe muingyipfula, chi kyipfa mulewona shiṟiyisho-pfo, indi kyipfa mulelya mkate iya mukoiguṙa.

Yohane 6:26 ပူးပေါင်းရင်းမြစ်များ

Yohane 3:3

Yesu kagaluo, kammbia, “Ny'kyaloi, ngakuwia, mndu alandefeo lya kawi echiiṙima iwona Wumangyi wo Ruwa-pfo.”

Yohane 3:5

Yesu kamgaluo, “Ny'kyaloi, ngakuwia, mndu alandefeo kui mṟinga na Mumuyo echiiṙima iiṙa na Wumangyinyi wo Ruwa-pfo.

Yohane 6:14

Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”

Yohane 6:15

Naaho-ng'u, aichi kye wawekundi ichemmbaṙa kundu wamgaluo mangyi, nalelekana nawo, kayenda-se fumvunyi alaṙuṙanyi na mndu.

Yohane 6:2

Na kyisanzionyi kying'anyi kya wandu kyikamwosha, cha kyipfa walewona shiṟiyisho alewutia wandu waluoe.

Yohane 6:24

Kyasia wandu wa kyisanzionyi, kyiyeri walewona kye Yesu akyeri pfo maa wanalosho wakye-pfo, waleiṙa na ngalawenyi wo wawenyi, wakayenda Kaperinaumu wechipfula Yesu.

Yohane 6:30

Wakammbia, “Kyasia nuiwuta kyiṟingyishio kyiha, kundu luwone lukuiṙikyie? Nuiṟunda kyi?

Yohane 6:36

Kyaindi ngyilemmbia kye momngyiwona indi muiṙikyia-pfo.

Yohane 6:47

Ny'kyaloi ngammbia, ‘Ulya aiṙikyie nawoṙe moo o mlungana.’

Yohane 6:53

Naaho Yesu kawawia, “Ny'kyaloi ngammbia, mulandelye mmbiu o Mana o Adamu na inyo samu yakye, muwoṙe moo mrimenyi konyu-pfo.

Yohane 6:64

Kyaindi kuwoṙe wengyi kyiiṙi kyanyu walawoṙe iiṙikyia.” Cha kyipfa Yesu nalemanya wookyia mawookyionyi nyi wakyi walawoṙe iiṙikyia, na nyi wui echimṟiinga.

Waroma 16:18

Kyipfa wandu wa mbaṟe-yo waiṟundia Mndumii oṙu Yesu Kristo-pfo, indi nyi ndewu tsawo wawenyi; na kui maṙeṙo ga wulembi na maṙeṙo gekuloṟa kye wawecha kundu wakundo, wailemba wandu wanyotsu.

Waefeso 2:21

Kyipfa woose waikuwinisha na mbonyi tsawo wawenyi, chi sha Kristo Yesu-pfo.

Waefeso 3:19

Mafurumionyi gawo nyi irumatso, ruwa owo nyi lango tsa mmbiu, wekyekushelyia shindo sha sonu, na iwinia shindo sha kunu wuyanenyi.

1 Timoteo 6:5

Na igaluana lya maṙeṙo lya wandu wanyamaṟikyie mṙoe yawo, walaichi wuloi, kunu wechikusaṟa kye iowuo na ikunda Ruwa nyi njia ya iwona kyiira.