Yohane 6:14 - Kivunjo New Testament 1999

¹⁴ Kyasia kyiyeri wandu walya walewona kyiṟiyisho alewuta, walegamba, “Loi ichu nyi moonguo shisuku ulya aicha wuyanenyi.”

Yohane 6:14 ပူးပေါင်းရင်းမြစ်များ

Matayo 11:3

“Iyoe nyi ulya aicha, ang'u luweṙelyie ungyi?”

Matayo 21:11

Wuingyi wo wandu wukogamba, “Ichu nyi moonguo shisuku ulya, Yesu o Nasareti ya Galyilaya.”

Luka 24:19

Kawawesa, “Mbonyi tsiha?” Wakammbia, “Mbonyi tsa Yesu o Nasareti, awekyeri moonguo shisuku awewoṙe wuiṙimi kyiiṙi kya iwuta na iṙeṙa mbele ya Ruwa na wandu woose.

Luka 7:16

Wuowu wukowawaṙa woose, wakaṟumisha Ruwa, wechigamba, “Moonguo shisuku ang'anyi nacha na koṙu, na Ruwa naambuya wandu wakye.”

Yohane 1:21

Nawo wakammbesa, “Nyi wui-ng'u? Iyoe nyi Elyiya?” Kagamba, “Inyi chi oe-pfo.” “Iyoe nyi moonguo shisuku ulya?” Kagaluo, “Ote.”

Yohane 11:27

Kammbia, “Yee, Mndumii, inyi ngyiiṙikyie kye iyoe nyi oe Kristo, Mono-Ruwa, ulya aicha na wuyanenyi.”

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 4:19

Mndu mka ulya kammbia, “Mndumii, ngyiwonyi kye nui moonguo shisuku!

Yohane 4:25

Mndu mka ulya kammbia, “Ngyiichi kye Mesia naicha (ekyelago Kristo); na oe ilyi echicha, nechilutambuluya shindo shoose.”

Yohane 4:42

Wakawia mndu mka ulya, “Wulalu loiṙikyia, maa chi kyipfa kya maṙeṙo gapfo tupu-pfo, maa soe loicho luwenyi. Lyingyi-se luichi kye kyaloi ichu nyi oe Mkyiṟa o wuyana.”

Yohane 6:2

Na kyisanzionyi kying'anyi kya wandu kyikamwosha, cha kyipfa walewona shiṟiyisho alewutia wandu waluoe.

Yohane 6:26

Yesu kawagaluo, kagamba, “Ny'kyaloi ngammbia, nyoe muingyipfula, chi kyipfa mulewona shiṟiyisho-pfo, indi kyipfa mulelya mkate iya mukoiguṙa.

Yohane 6:30

Wakammbia, “Kyasia nuiwuta kyiṟingyishio kyiha, kundu luwone lukuiṙikyie? Nuiṟunda kyi?

Yohane 7:40

Kyasia wandu wengyi kyiiṙi kya walya wawesanzie halya kyiyeri waleicho mbonyi-tso, walegamba, “Loi, ichu nyi oe moonguo shisuku ulya.”

Mawuto Ga Wasu 7:37

Mose-cho nyi oe alewia Waisiraelyi, ‘Mndumii Ruwa onyu nechiwasambuṟia moonguo shisuku, kyiiṙi kya wana wa wamanyu, cha inyi; mwaṙanyienyi oe.’