Yohane 5:46 - Kivunjo New Testament 1999

⁴⁶ Cha kyipfa kokooya muleiṙikyia Mose, muwechingyiiṙikyia inyi; cha kyipfa Mose naleṟeia mbonyi tsako.

Yohane 5:46 ပူးပေါင်းရင်းမြစ်များ

Luka 24:27

Kawooka wookyia Mose na weonguo shisuku woose, kawaongoya shiṟeionyi shoose, mbonyi tsakye oe amonyi.

Yohane 1:45

Filyipo kawona Natanaelyi kammbia, “Lommbona ulya mbonyi tsakye tsingyiṟeie mawawasonyi ga Mose na weonguo shisuku, Yesu mana o Yosefu, mndu o Nasareti.”

Yohane 5:47

Kyaindi mulandeiṙikyie shiṟeio shakye, mochiiṙikyia kuṙa ulogo loko?”

Mawuto Ga Wasu 26:22

Kyasia cha kyipfa ngawona kyitarama kyiwukyie ko Ruwa ngyigoṟokyi iha inu ngyeṟingyishia wana watutu na wandu wang'anyi, maa ngyigamba kyindo sile shilya weonguo shisuku na Mose waleonguo-pfo. Shindo walegamba kye shechiwa,

Waroma 10:4

Cha kyipfa Kristo amche kuwoṙe-se kyimaṙuma kya uwawaso-pfo; kundu orio aiṙikyie natalyio wusumganyi.

Wagalatia 2:19

Kyipfa inyi ko mbonyi tsa mawawaso ngyipfiie kundu ngyiwaṙe moo kyipfa kya Ruwa.

Wagalatia 3:10

Cha kyipfa woose wakyeri wa mawuto ga mawawaso, wakyeri kyisesonyi; kyipfa kyikyiṟeie, “Namsese ulya alekyeosha shindo shoose shikyeri kyitapunyi kya uwawaso.”

Wagalatia 3:13

Kristo naleluwuta kyisesonyi kya uwawaso, cha kyipfa naleseso kyipfa kyaṙu; kyipfa kyikyiṟeie, “Orio mndu amkapie msalabenyi namsese.”

Wagalatia 3:24

Koikyo uwawaso lowa msongoru moluende na ko Kristo, kundu lutalyio wusumganyi kui iiṙikyia.