Yohane 5:44 - Kivunjo New Testament 1999

⁴⁴ Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?

Yohane 5:44 ပူးပေါင်းရင်းမြစ်များ

Matayo 23:5

Lyingyi-se mmbutie yawo yoose nyi kundu wawono nyi wandu; cha kyipfa shichonyi-sho shishiṟeie maṙeṙo ga Ruwa wekyeṟaa shaamunyi shawo na mawoko nyi shing'anyi mnu, na makyechu ga mkoṟoṟi yawo gangyilesheṟe mnu.

Luka 19:17

Kammbia, ‘Necha, mṟundi mcha. Kyipfa uleringa necha kyilya kyitutu uleenengo chilyia mṟi ikumi.’

Yohane 12:43

Cha kyipfa walekunda iṟumisho nyi wandu kuta iṟumisho nyi Ruwa.

Yohane 17:3

Na moo o mlungana nyi: ‘Wakumanye iyoe, Ruwa o loi kulawoṙe ungyi; na Yesu Kristo ulemṙuma.’

Yohane 3:20

Kyipfa orio mndu ekyewuta shindo shiwicho nasuuye ngyeela, maa ekyecha na ngyeelenyi-pfo, mawuto gakye galachemanyika naṟoṟomo.

Yohane 5:41

Inyi ngyipfula iṟumisho nyi wandu-pfo.

Yohane 8:43

Kyitewe mulaimanya ikyo ngyigamba ny'kyi? Nyi kyipfa nyoe mulaiiṙima imanya malosho gako.

Waroma 2:10

Indi mng'ano na kyiṟumi na ufoṟo ko orio mndu ekyewuta shicha, Myuda kuwooka na Mkyiṟikyi taa;

Waroma 2:29

Indi oe nyi Myuda ai Myuda o mrimenyi; na iṙino nyi lya mrima, Mumuyonyi o Ruwa, chi shiṟeionyi-pfo. Uwawaso-lo kyiṟumi kyalo kyilekyewuka ko wandu indi ko Ruwa.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

2 Wakorinto 10:18

Kyipfa mndu moiṙikyio chi ulya ekyekushela-pfo, indi nyi ulya ekyeṟumisho nyi Mndumii.

Waefeso 2:3

Maa mulawute kyindo kyoose kui iwingana ang'u kui makushelo; indi kui wupfereri, orio mndu nawone oṙoe kye nawoṙe kyiira kuta oe.

1 Watesalonikye 2:6

Lulepfula kyiṟumi ko wandu, maa konyu, maa ko wandu wengyi kyiyeri luwewoṙe wuiṙimi wo iwa ṟio konyu cha wasu wa Kristo-pfo.

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

Waebrania 3:12

Ambuyenyi, wana wa wama, maa umwi onyu alawaṙe mrima mmbicho ulawoṙe iiṙikyia; kui ikuletsana na Ruwa ai na moo.

Yakobo 2:1

Wana wa wama wako, iiṙikyia lya Mndumii oṙu Yesu Kristo, Mndumii o mng'ano, maa mulawe nalyo kui ikundia wandu.

1 Petiro 1:7

Kundu kye iyesho kui iiṙikyia lyanyu, lyilya lyiwoṙe woguru wung'anyi kuta sahapu yekyenyamaṟika, maa chandu sahapu-yo yekyeyeṟo kui moṙo; muambilyie iṟumisho na kyiṟumi mfiri ulya Yesu Kristo echiloṟo.

Yuda 1:25

icho akyeri Ruwa amonyi kulawoṙe ungyi; Mkyiṟa oṙu kui Yesu Kristo Mndumii oṙu; mng'ano nyi okye, na wuchilyi, na wuiṙimi, na pfinya; wookyia mlungana, na wulalu, mṟasa mlungana. Amen.