41 Inyi ngyipfula iṟumisho nyi wandu-pfo.
Cha kyipfa walekunda iṟumisho nyi wandu kuta iṟumisho nyi Ruwa.
Kyaindi inyi ngyiambilyia wuṟingyishi ko wandu-pfo; indi ngyigamba ishi kundu nyoe muiṙime ikyia.
Maa mukundi icha na koko muwone moo o mlungana-pfo.
Kyaindi ngamanya kye nyoe muwoṙe ikunda lya Ruwa mrimenyi konyu-pfo.
Moiṙima kuṙa iiṙikyia nyoe muiṟumishana nyoe wenyi ko wenyi, na kyiṟumi kyilya kyiwukyie ko Ruwa alawoṙe amng'anyie muikyipfula-pfo?
Naaho-ng'u, aichi kye wawekundi ichemmbaṙa kundu wamgaluo mangyi, nalelekana nawo, kayenda-se fumvunyi alaṙuṙanyi na mndu.
Ulya aṙeṙa kui wuchilyi wokye amonyi tupu nekyepfula kyiṟumi kyakye amonyi; indi ulya apfula kyiṟumi kya ulya alemṙuma, icho nyi o loi, maa mrimenyi kokye kuwoṙe wunyamaṟi-pfo.
Maa inyi ngyipfula kyiṟumi kyako-pfo; kuwoṙe mopfula kyiṟumi na ianduya.
Yesu kagaluo kagamba, “Ngakuṟumisha inyi ngyimonyi, kyiṟumi kyako chi kyindo-pfo. Ekyengyiṟumisha nyi Awu oko, ulya nyoe muigamba kye nyi Ruwa onyu.
Lulepfula kyiṟumi ko wandu, maa konyu, maa ko wandu wengyi kyiyeri luwewoṙe wuiṙimi wo iwa ṟio konyu cha wasu wa Kristo-pfo.
Cha kyipfa nyiwo mulelagio; kyipfa Kristo na oe nalelyiso wukyiwa kyipfa kyanyu, kamuṙeea mfano, muoshe ndifo tsakye.
Kyipfa naleambilyia iwuka ko Ruwa Awu kyiṟumi na mng'ano, iho-ndu aleendio ṟui lyilewuka mng'anonyi ung'anyi, “Ichu nyi Mana oko, mkunde oko, ngyimchihie kyipfa kyakye.”
