Yohane 5:34 - Kivunjo New Testament 1999

³⁴ Kyaindi inyi ngyiambilyia wuṟingyishi ko wandu-pfo; indi ngyigamba ishi kundu nyoe muiṙime ikyia.

Yohane 5:34 ပူးပေါင်းရင်းမြစ်များ

Luka 13:34

Iyoe Yerusalemu, Yerusalemu, uiwaaga weonguo shisuku na ikapa na magoe walya waleṙumo kopfo, nyi kyenga ngyilekunda isania wana wapfo chandu nguku yekyesania shiwana shayo makungonyi gayo, maa mulekunda-pfo.

Luka 19:10

Cha kyipfa Mana o Adamu nalecha ipfula na ikyiṟa kyilya kyiweṙekyie.”

Luka 24:47

Na kye masanga goose geongoyo mbonyi ngyicha kui rina lyakye, mbonyi tsa iṙumbuya wunyamaṟi na ihooṟio gyuunyamaṟi, iwookyia Yerusalemu.

Yohane 20:31

Kyaindi ishi shileṟeio, kundu muiṙime iiṙikyia kye Yesu nyi oe Kristo, Mono-Ruwa; na kui iiṙikyia muwone moo o mlungana kui rina lyakye.

Yohane 5:32

Kuwoṙe ungyi aingyiṟingyishia; na inyi ngyiichi kye kyilya aingyiṟingyishia nyi kya loi.

Yohane 5:41

Inyi ngyipfula iṟumisho nyi wandu-pfo.

Yohane 8:54

Yesu kagaluo kagamba, “Ngakuṟumisha inyi ngyimonyi, kyiṟumi kyako chi kyindo-pfo. Ekyengyiṟumisha nyi Awu oko, ulya nyoe muigamba kye nyi Ruwa onyu.

Waroma 10:1

Wana wa wama wako, kyindo ngyilangyie mnu mrimenyi koko, na kyiterewo kyako ko Ruwa, nyi kyipfa kyawo kundu wakyiṟo.

Waroma 10:21

Indi ko Isiraelyi naigamba, “Kyingoto puti ngyilewaleshia mawoko wandu walawoṙe wuindi na walekyeicho.”

Waroma 12:21

Wuwicho wulakuwingye, indi uwingye wuwicho kui wucha.

Waroma 3:3

Nyi kyikyi-ng'u, kokooya wandu waata walaleiṙikyia? Aa ilega iiṙikyia lyawo lyechiilacha shilya Ruwa ateṟie?

1 Wakorinto 9:22

Ko wafofo ngyilewa mfofo, kundu ngyigalutsie wafofo ura lo Yesu. Ngyilewa orio kyindo ko wandu woose, kundu kui njia tsoose ngyiiṙime ikyiṟa wandu.

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.

1 Yohane 5:9

Lukoambilyia wuṟingyishi wo wandu, wuṟingyishi wo Ruwa nyi wung'anyi ngoseṟa; cha kyipfa wuṟingyishi wo Ruwa nyiwo iwu, kye naṟingyishia Mono-kye.