Yohane 5:26 - Kivunjo New Testament 1999

²⁶ Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana.

Yohane 5:26 ပူးပေါင်းရင်းမြစ်များ

Yohane 1:4

Oe nyi-we shoka ya moo, na moo-cho uwei ngyeela ya wandu.

Yohane 10:18

Kuwoṙe mndu ekyengyiwuta moo-chu-pfo, indi inyi ngyimonyi ngyekyeureka. Inyi ngyiwoṙe wuiṙimi wo iureka; ngyiwewoṙe taa wuiṙimi wo iuambilyia-se. Iwawaso-lyi ngyilelyiambilyia ko Awu oko.”

Yohane 11:25

Yesu kammbia, “Inyi nyi ulya ekyeende wuṟutsi-wo, na moo. Ulya angyiiṙikyie inyi, maa kapfa, nechiwaṙa moo o mlungana.

Yohane 11:26

Na orio mndu awoṙe moo na ingyiiṙikyia inyi echipfa kyimrima mṟasa mlungana-pfo. Ngyesa nuiṙikyie isho?”

Yohane 14:19

Hatsugae kyiyeri kyitutu wandu wa wuyana walechingyiwona-se; indi nyoe mungyiwonyi. Na kyipfa inyi ngyiwoṙe moo, maa nyoe mochiwaṙa moo.

Yohane 14:6

Yesu kammbia, “Inyi nyi njia, na wuloi na moo. Mndu ekyecha na ko Awu, sile kui iiṙia koko-pfo.

Yohane 4:10

Yesu kagaluo, kammbia, “Kokooya uweichi kyindo Ruwa ekyeenengyia, na nyi wui aikuwia ‘Ngyienenga mṟinga ngyinyo’, nuwechimterewa oe, na oe nawechikuenenga mṟinga uwoṙe moo.”

Yohane 6:57

Chandu Awu ai na moo alengyiṙuma inyi, na inyi ngyiwoṙe moo kyipfa kyakye, na wuṙo taa ulya alya mmbiu oko echiwaṙa moo kyipfa kyako.

Yohane 8:51

Ny'kyaloi, ngammbia ‘Mndu kaosha kyilya malosho gako gagamba mrima okye ochiwaṙa moo mlungana.’ ”

Mawuto Ga Wasu 17:25

maa ekyeṟundio kui mawoko ga wandu cha ilyi nauṟie kyindo kyoose-pfo; cha kyipfa nyi oe ekyeenenga wandu woose moo na mṟufui na shindo shoose.

1 Wakorinto 15:45

Nyi wuṙo kyikyiṟeie, “Mndu o kuwooka, Adamu, nalewa kyindo kyiwoṙe moo, Adamu o mafurumionyi nyi mumuyo okyeende moo.”

1 Timoteo 1:17

Wulalu ko Mangyi o shiyeri shoose, alekyerumatso, alekyewono na meso, Ruwa alawoṙe ungyi ai cha oe, kokye kuwaṙe wuindi na kyiṟumi mlungana na mlungana. Amen.

1 Timoteo 6:16

Ulya alekyepfa, akyeri ngyeelenyi ilekyeiṙima irumisho; maa kulawoṙe mndu alemummbona, maa eiṙima immbona. Kyiyeri kyoose naenengo kyiṟumi na pfinya mṟasa mlungana. Amen.

Waebrania 1:2

mafurumionyi ga mfiri-i naleṙeṙa na soe kyiiṙi kya Mono-kye alemmbika nawe mokyioṟa o shindo shoose, lyingyi-se kui oe nalegumba wuyana.

Ulogo 21:6

Kangyiwia, “Shammarisika. Inyi nyi Alyifa na Omeka, mawookyionyi na mafurumionyi. Inyi ngyechienenga ulya awoṙo nyi nyoṙa ya shoka ya mṟinga o moo, kulawoṙe itaa kyindo.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,

Ulogo 22:17

Na Mumuyo na Mpora wagamba, “Nnjo! Ulya aichuoe nagambe, ‘Nnjo!’ Na awoṙo nyi nyoṙa nache; na akundi, nanyo mṟinga o moo kulawoṙe itaa kyindo.”

Ulogo 7:17

Cha kyipfa Kyiondo-kyo kya Ruwa, kyikyeri kyitimenyi kya mng'ano, kyechimulyisa, nakyo kyechimusongoya iyenda shokyenyi tsa mṟinga uwoṙe moo, na Ruwa nechiwaanguo mcheṟeṟe yoose mesonyi gawo.”