Yohane 5:19 - Kivunjo New Testament 1999

¹⁹ Kyasia Yesu kagaluo kawawia, “Ny'kyaloi ngammbia, Mana eiṙima iwuta kyindo amonyi sile kyilya awonyi Awu ewuta-pfo; cha kyipfa shoose ekyewuta oe, nyisho Mana ekyewuta.

Yohane 5:19 ပူးပေါင်းရင်းမြစ်များ

Matayo 26:39

Kayenda mbele kyitutu, kaoloka na ndewu, katerewa, echigamba, “Awu-yoko, kyikaiṙimika, ṙombo-lyi lya matuuro lyiiṙe kuleshi na inyi. Kyaindi chi chandu ngyikundi inyi-pfo, indi nyi chandu ukundi iyoe.”

Luka 21:15

cha kyipfa inyi ngyemuenenga maṙeṙo na wuṟango watuuri wanyu woose walechiiṙima iwingana nawo maa imulega.

Yohane 10:18

Kuwoṙe mndu ekyengyiwuta moo-chu-pfo, indi inyi ngyimonyi ngyekyeureka. Inyi ngyiwoṙe wuiṙimi wo iureka; ngyiwewoṙe taa wuiṙimi wo iuambilyia-se. Iwawaso-lyi ngyilelyiambilyia ko Awu oko.”

Yohane 12:49

Cha kyipfa inyi ngyileonguo mbonyi tsa mrima oko tupu-pfo; indi Awu alengyiṙuma, oe nalengyiwia shindo ngyechigamba.

Yohane 12:50

Na inyi ngyiichi iwawaso lyakye nyi moo o mlungana. Kyasia isho ngyionguo inyi, chandu Awu alengyiwia, nyisho ngyionguo.”

Yohane 14:10

Uiṙikyie kye inyi ngyikyeri kyiiṙi kya Awu, na Awu nakyeri kyiiṙi kyako? Isho ngyimuongoya wulalu chi makusaṟo gako inyi-pfo kyaindi nyi Awu ulya akyeri kyiiṙi kyako aiṟunda shilya akundi iṟunda.

Yohane 2:19

Yesu kagaluo, kawawia, “Unduonyi hekalu-lyi na inyi ngyelyiwika mfirinyi iṟaṟu.”

Yohane 3:3

Yesu kagaluo, kammbia, “Ny'kyaloi, ngakuwia, mndu alandefeo lya kawi echiiṙima iwona Wumangyi wo Ruwa-pfo.”

Yohane 5:21

Kyipfa chandu Awu ekyeṟutsa wapfu na iwaenenga moo, na wuṙo Mana echienenga moo walya akundi iwawutia kuṙo.

Yohane 6:38

Cha kyipfa inyi ngyilesoka iwuka ruwewu kundu ngyiwute kyilya ngyikundi-pfo, indi kyilya ulya alengyiṙuma akundi.

Yohane 8:28

Kyasia Yesu kawawia, “Kyiyeri-kyo mochimarisa iwikyia Mana o Adamu msalabenyi nyi lyo-ndu momanya kye inyi nyi oe ulya ngammbia kye inyi nyi oe; na kye inyi ngyekyewuta kyindo kui iambuya kyilya ngyikundi-pfo, indi chandu Awu alengyilosha nyi wuṙo ngyekyeonguo.

Yohane 9:4

Kyiwaṟi iṟunda maṟunda ga ulya alengyiṙuma kyiyeri kuwoṙe ngyeela; kyio kyiicha kyiyeri mndu alechiiṙima iṟunda.

Mawuto Ga Wasu 2:24

Ulya Ruwa alemṟutsa, kammbuta wukyiwenyi wo ipfa, cha kyipfa kyileiṙimika wukyiwa-wo wumpaaye-pfo.

Waroma 6:4

Kyasia luleṟiko hamwi na oe kui njia ya wupatiso upfunyi lokye, kundu luwaṙe moo ngyihya nakamwi chandu Awu aleṟutsa Kristo iwuka upfunyi kui pfinya yakye ing'anyi.

Waroma 8:11

Kyaindi kokooya Mumuyo okye ulya aleṟutsa Yesu ko wapfu nakyeri mrimenyi konyu, ulya aleṟutsa Kristo Yesu ko wapfu naiṟutsa na mmbiu yanyu ikyeri mbaṟenyi ya ipfa, kui Mumuyo okye akyeri mrimenyi konyu.

1 Wakorinto 15:12

Kyasia, kokooya mbonyi tsa Kristo tsigambo kye naleṟuka ko wapfu, ny'kyilyi wandu waata kyiiṙi kyanyu waigamba kye kuwoṙe iṟutso lya wapfu-pfo.

2 Wakorinto 4:14

Luichi kye ulya aleṟutsa Mndumii Yesu nechiluṟutsa na soe hamwi na Yesu, na iluende na mbele yakye hamwi na nyoe.

2 Wakorinto 5:10

Kyipfa kyalukooya soe loose iloṟo halya kyiṙinyi kya ianduyo kya Kristo, kundu orio mndu naambilyie wori wo shindo alewuta kyimmbiu, chandu alewuta, kye shicha ang'u shiwicho.

Wafilyipi 2:5

mṟasa kyiyeri kyilya luwekyeri wapfu kyipfa kya maṙeko gaṙu; naleluṟutsa hamwi na Kristo; kyimwi na igamba kye, mulekyiṟo kui isaṟia.

Wafilyipi 3:16

Namutarame, iṙuana na wunjama wo mng'ano okye, ikarisha kui pfinya, kui iṟunda lya Mumuyo okye, naengyeṟe imukarisha.

Waefeso 3:21

echiilacha mmbiu oṙu o wufofo, uiṙime ifanana na mmbiu okye o kyiṟumi, kui wuiṙimi wulya echiiṙima ichilyia nawo shindo shoose.

Waefeso 4:13

Ngyekyeiṙima shindo shoose kyiiṙi kya ulya ekyengyienenga pfinya.

Wakolosai 1:11

Mochitaramo kui wuiṙimi woose, iṙuana na pfinya ya mng'ano okye, muiṙime iwaṙa wusimiri wo orio mbaṟe na ikarishia hamwi na ichihiyo.

Wakolosai 1:16

Cha kyipfa kyiiṙi kyakye shindo shoose shilegumbo; shikyeri ruwewu na shikyeri urukyenyi, shekyewono na shilekyewono; kokooya nyi shiṙi sha mng'ano, ang'u wumangyi, ang'u wuchilyi; shindo shoose shilegumbo kui njia yakye na kyipfa kyakye.

1 Watesalonikye 4:14

Kyipfa kokooya loiṙikyia kye Yesu nalepfa kaṟuka, na wuṙo walya wapfiie waiṙikyie Yesu, Ruwa nechiwaṟutsa cha Yesu.

1 Petiro 3:18

Cha kyipfa Kristo na oe nalelyiso wukyiwa lyimwi tupu kyipfa kya wunyamaṟi woṙu, amsumganyi kyipfa kya walya walawasumganyi, kundu naluende na ko Ruwa; mmbiu okye ukowoogo, indi mrima okye ukoenengo moo.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.