Yohane 5:18 - Kivunjo New Testament 1999

¹⁸ Kyasia kyipfa kya ikyo Wayuda wakaengyeṟa ilanga immbaaga, chi kyipfa alefunja iwawaso lya mfiri o onyonya tupu-pfo, indi hamwi na isho nalelaga Ruwa Awu okye, echikuloṟa kye nalyingananyi na Ruwa.

Yohane 5:18 ပူးပေါင်းရင်းမြစ်များ

Matayo 12:5

Maa muichi chandu kyikyiṟeie ipfo mawawasonyi, kye mfiri o onyonya makohanyi numbenyi ya Ruwa wekyefanyiṟa mfiri o onyonya walatalyio wunyamaṟi?

Yohane 1:19

Na iwu nyiwo wuṟingyishi wo Yohane, kyiyeri Wayuda waleṙuma makohanyi kokye na Walewi iwuka Yerusalemu kundu wammbese, “Iyoe nukyeri wui?”

Yohane 10:30

Inyi na Awu lukyeri kyindo kyimwi.”

Yohane 10:33

Wayuda wakamgaluo, wakagamba, “Luikukapa na magoe kyipfa kya kyindo kyicha uleṟunda-pfo; indi kyipfa kya ilahia Ruwa, na kyipfa nyi mndu uikuloṟa kye nui Ruwa.”

Yohane 14:23

Yesu kagaluo, kammbia, “Mndu kangyikunda nechiosha kyilya malosho gako gakundi; na Awu oko nechimkunda; na soe lochicha na kokye, na iwika kyiṟaṟo kokye.

Yohane 14:9

Yesu kammbia, “Inyi ngyiwekyeri hamwi na nyoe mfiri yoose, iyoe ulangyimanye Filyipo? Angyiwona inyi nawona Awu. Kyasia iyoe nuigamba kuṙa ‘ululoṟe Awu?’

Yohane 19:7

Wayuda wakamgaluo, wakagamba, “Koṙu soe mndu o mbaṟe-i nawaṟi ipfa, cha kyipfa nalekuloṟa oe nyi Mono-Ruwa.”

Yohane 5:15

Mndu ulya kayenda, kaongoya Wayuda kye nyi Yesu amkyiṟa.

Yohane 5:16

Cha kyipfa kya ikyo Wayuda wakalyisa Yesu wukyiwa, kyipfa nalewuta isho mfiri o onyonya.

Yohane 5:17

Kawagaluo, kawawia, “Awu oko naiṟunda mṟasa wulalu, na inyi ngyiṟunda.”

Yohane 5:23

kundu wandu woose waindie Mana chandu wekyeindia Awu. Mndu alekyeindia Mana ekyeindia Awu ulya alemṙuma-pfo.

Yohane 7:1

Numa ya isho Yesu naweichumia urukyenyi lo Galyilaya; kyipfa alekunda iyenda uruka lo Uyuda-pfo, cha kyipfa Wayuda wawekundi immbaaga.

Yohane 7:19

Ngyesa Mose alemuenenga uwawaso-pfoe? Maa kuwoṙe umwi onyu aiosha uwawaso-pfoe. Ny'kyilyi mukundi ingyiwaaga.”

Yohane 8:54

Yesu kagaluo kagamba, “Ngakuṟumisha inyi ngyimonyi, kyiṟumi kyako chi kyindo-pfo. Ekyengyiṟumisha nyi Awu oko, ulya nyoe muigamba kye nyi Ruwa onyu.

Yohane 8:58

Yesu kawawia, “Ny'kyaloi ngammbia, Abrahamu alafeo, inyi ngyikyeri pfo.”

Waefeso 2:6

ulya ipfo mawookyionyi awei Ruwa, kyaindi alalewona kulya iwa kyimwi na Ruwa kye nyi kyindo kyemwenenga ikuyeṟa na Ruwa;

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,

Ulogo 22:3

Maa kochiwaṙa kyiseso kyoose-se-pfo. Na kyitima kya mng'ano kya Ruwa na kya Kyiondo kya Ruwa kyechikaa pfo. Na waṟundi wakye wechimṟundia.