Yohane 4:52 - Kivunjo New Testament 1999

⁵² Kyasia kawawesa mbonyi tsa saa alewooka iwa ungyi-ungyi; nawo wakammbia, “Ukou, saa mfungaaṙe, isemu lyilemleka.”

Yohane 4:52 ပူးပေါင်းရင်းမြစ်များ

Matayo 17:18

Yesu kaṙeṙia mṟufui ulya mmbicho, kawuka mana ulya. Manakye ulya kyakyia wookyia kyiyeri kyilya.

Matayo 8:13

Na Yesu kawia mchilyi ulya, “Yenda; kyiwe kopfo chandu oiṙikyia.” Mṟundi ulya okye kachia saa iya iya.

Yohane 4:51

Na kyiyeri aweiyenda, masinga gakye gakamwambilyia, gechigamba kye mono-kye nai na moo.

Yohane 4:53

Kyasia awuye kamanya kye nyi saa iya iya Yesu alemmbia, “Mono-pfo nai na moo.” Kaiṙikyia oe na woose wa kanyi kokye.