Yohane 4:48 - Kivunjo New Testament 1999

⁴⁸ Kyasia Yesu kammbia, “Mulandewone shiṟiyisho na ṟigo tsifoi maa ale-pfoe?”

Yohane 4:48 ပူးပေါင်းရင်းမြစ်များ

Matayo 16:1

Mafarisayo na Masadukayo wakacha na kokye, wakamwesha, wakamterewa nawaloṟe kyiṟingyishio kyiwukyie ruwewu.

Matayo 24:24

Cha kyipfa wechiwoneka makristo wa wongo, na weonguo shisuku ga wongo, nawo wechiwuta ṟigo tsing'anyi na shiṟiyisho; waiṙime imuṙetsa, cha kyikaiṙimika, mṟasa wai wasambuṟe.

Matayo 27:42

Oe nyi mangyi o Isiraelyi; wulalu nasokye msalabenyi, na soe lochimwiṙikyia.

Mariko 13:22

Cha kyipfa kochiwoneka Makristo ga wongo, na weonguo shisuku wa wongo, wechiloṟa shiṟingyishio na maṟiyisho, waiṙime imlemba, kokooya kyaiṙimika, maa iwo wasambuṟe.

Luka 10:18

Kawawia, “Ngyilewona Satana, echioloka iwuka ruwewu cha mbawa.

Luka 16:31

Kammbia, ‘Walandeaṙanyie Mose na weonguo shisuku, wesaṟa kyindo maa mndu kaṟuka ko wapfu-pfo.’ ”

Yohane 12:37

Maa chandu alewuta shindo shifoi kuṙo sha kyiṟiyisho mbele yawo wandu walemwiṙikyia-pfo;

Yohane 15:24

Wawechikumbuṟo kya wunyamaṟi wowo kokooya ngyilalewuta kyiiṙi kyawo shindo shilandewuto mndu ungyi oose-pfo; kyaindi wulalu wammbona shilya ngawuta, wakangyisuo inyi na Awu oko.

Yohane 2:18

Kyasia Wayuda wakagaluo wakammbia, “Nyi kyiṟingyishio kyiha ululoṟa kye nuiwuta ishi?”

Yohane 20:29

Yesu kammbia, “Iyoe, kyipfa ongyiwona, noiṙikyia. Wagusu walya walawonyi kyaindi wakaiṙikyia.”

Yohane 4:49

Mchilyi ulya kammbia, “Mndumii, nnjo mono-ko alapfa.”

Mawuto Ga Wasu 14:3

Kyasia wakakaa pfo kyiyeri kyileshi, wechiṙeṙa kulawoṙe wuowu mbonyi tsa Mndumii, aleṟingyishia Ṙeṙo lya isaṟia lyakye, echiwasaṟia ṟigo na shindo sha maṟiyisho shiwutikye kui shilya aweiwuta.

Mawuto Ga Wasu 15:12

Kyasia wandu walya woose wawesanzie halya wakatsia tsii, wakaaṙanyia Barinaba na Paulo wechiwaongoya mbonyi tsa ṟigo na shindo sha maṟiyisho, Ruwa alewuta kui ulogo kyiiṙi kya walya walaweiṙikyie Yesu.

Mawuto Ga Wasu 2:19

Na inyi ngyechiloṟa ṟigo wuye ruwewu, na shindo sheṟiyisha wuyanenyi, samu na moṙo, na ipuchi lya mtsu ufoi.

Mawuto Ga Wasu 2:22

“Nyoe wasoṟo wa Isiraelyi, aṙanyienyi mbonyi-tsi: Yesu awukyie Nasareti, mndu Ruwa alemloṟa konyu kui ṟigo na shindo sheṟiyisha, Ruwa aletsiwuta amonyi, chandu nyoe muichi.

Mawuto Ga Wasu 2:43

Wanalosho wakawuta shindo shifoi sheṟiyisha na ṟigo, orio mndu kawoṙo nyi wuowu.

Mawuto Ga Wasu 4:30

ochigoṟuo kuwoko kopfo ikyiṟa; ṟigo na shindo sheṟiyisha shiwutikye kui rina lya Mṟundi opfo mweele Yesu.”

Mawuto Ga Wasu 5:12

Na wasu wakawuta shindo shifoi sheṟiyisha hamwi na ṟigo; nawo woose wawewoṙe makusaṟo gamwi wechisanzia kulya italenyi lya Solomon;

Mawuto Ga Wasu 6:8

Na Stefano, aichuo isaṟia na wuiṙimi, nawekyewuta shindo sha maṟiyisho na ṟigo tsing'anyi mbele ya wandu.

Mawuto Ga Wasu 7:36

Icho nyi oe alewawuta Misiri echiwuta shindo sheṟiyisha na ṟigo urukyenyi lo Misiri, na ipalyipalyinyi lya Shamu, na nukyenyi ngyiumu suwaa ilawoṙe maa mṟinga kyiyeri kya maka makumi gaana.

Waroma 15:19

kui pfinya tsa kyiṟingyishio na maṟiyisho, pfinyenyi tsa Mumuyo Mweele; mṟasa kyikawa wookyia Yerusalemu, na mṟasenyi mṟasa Ilyiriko, ngamwonguo Ndumi Ngyicha ya Kristo chandu kyiwaṟi.

1 Wakorinto 1:22

Cha kyipfa Wayuda wakundi kyiṟingyishio, na Wakyiṟikyi waipfula wuṟango;

2 Wakorinto 12:12

Nyi loi shiṟingyishio shekyeoshana na wasu shileṟundika konyu kui wusimiri woose, kui shiṟingyishio na maṟiyisho na ṟigo.

2 Watesalonikye 2:9

Ulya akyeri kye icha lyakye nyi kui pfinya ya Satana, kui wuiṙimi woose, na shiṟingyishio na maṟiyisho ga wongo.

Waebrania 2:4

Ruwa na oe echiṟingyishia hamwi nawo kui ṟigo na shiṟiyisho na pfinya tsa mbaṟe tsifoi, na kui igawa shisumbo sha Mumuyo Mweele, chandu alekunda oe amonyi.