Yohane 4:36 - Kivunjo New Testament 1999

³⁶ Na ulya mosambuo nekyeambilyia wori, na isania shilyimu kyipfa kya moo o mlungana; kundu ulya ekyewaaya na ulya ekyesambuo waiṙime ichihiyo handu hamwi.

Yohane 4:36 ပူးပေါင်းရင်းမြစ်များ

Matayo 19:29

Na orio mndu aleṙa numba, ang'u mono-wamae o kyisoṟo ang'u o kyika, ang'u awuye, ang'u wamae, ang'u wana, ang'u maṙema, kyipfa kya rina lyako, nechiambilyia ka igana, na ioṟa moo o mlungana.

Yohane 3:36

Aiṙikyie Mana nawoṙe moo o mlungana; alaiṙikyie Mana echiwona moo-pfo, indi nyashi ya Ruwa yechimwolokyia.”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Waroma 1:13

Kyaindi wana wa wama wako, ngyikundi muṙe mulamanya kye kafong'ui ngyilekunda icha na konyu; indi maa mṟasa wulalu ngyilalekyio, kundu ngyiiṙime igaluo wandu konyu wagalukyie Kristo taa. Chandu ngyiwoṙe wandu wagalukyie Kristo iwuka ko wandu wa masanga walai wa kunu Roma.

Waroma 2:7

Walya kui wusimiri kyiiṙi kya iwuta mecha waipfula mng'ano na kyiṟumi na ikaa ho mlungana, wechienengo moo o mlungana.

Waroma 6:22

Kyaindi wulalu mukomlekyio, na iwa kuleshi na wunyamaṟi, na iwa waṟundi wa Ruwa, muwoṙe kyiira kyanyu, nyikyo iilyisho, na mafurumionyi gakyo nyi moo o mlungana.

Waroma 6:23

Kyipfa wori wo wunyamaṟi nyi upfu, indi kyisumbo kya Ruwa nyi moo o mlungana kyiiṙi kya Kristo Yesu Mndumii oṙu.

1 Wakorinto 9:17

Kyipfa ngaṟunda iṟunda-lyi kulawoṙe iitiko ngyiwoṙe wori; indi kokooya nyi kui iitiko, Ruwa nangyisambuṟie ngyiringye iṟunda lyakye.

1 Wakorinto 9:18

Kyasia wori woko nyi kyikyi? Nyi iwu, kye kyiyeri ngyionguo Ṙeṙo lya Ruwa, ngyechiwuta kuṙo kulawoṙe itosa kyindo, kyaindi kui iṟunda necha na wuiṙimi woko ngyiwoṙe Nduminyi Ngyicha.

1 Watesalonikye 2:19

Kyipfa ikusuria lyaṙu ang'u sia yaṙu, ang'u iṟikoso lya ikushela, nyi kyikyi? Ngyesa chi nyoe, mbele ya Mndumii oṙu Yesu kyiyeri kya icha lyakye-pfoe?

1 Timoteo 4:16

Ringa mrima opfo, na malosho gapfo. Ulalekane na shindo-sho; kyipfa kui iwuta kuṙo nochikyiṟa mrima opfo na mrima ya walya wechiicho shilya uilosha.