Yohane 4:11 - Kivunjo New Testament 1999

¹¹ Mndu mka ulya kammbia, “Mndumii, uwoṙe kyindo kyeṙahia-pfo, na kyisima kyikyileshi. Nyi kwi owona mṟinga-cho uwoṙe moo?

Yohane 4:11 ပူးပေါင်းရင်းမြစ်များ

Yohane 3:4

Nikodemo kammbia, “Mndu neiṙima kuṙa ifeo amku? Neiṙima iwuya na wosinyi ko wamae nafeo-se lya kawi?”

Yohane 4:14

kyaindi orio mndu echinyo mṟinga ulya ngyechimwenenga inyi echiwoṙo nyoṙa nyi mṟasa mlungana-pfo. Indi mṟinga ulya ngyechimwenenga ochiwa shoka ya mṟinga ochimwenenga moo o mlungana.”

Yohane 7:37

Na mfiri o furumia, mfiri ulya ung'anyi o mṟumoe, Yesu kagoṟoka, kakuilenga na ṟui lying'anyi, echigamba, “Mndu kawoṙo nyi nyoṙa, nache na koko nawone kyindo kyenyo.

Mawuto Ga Wasu 10:14

Kyaindi Petiro kagamba, “Maa ale, Mndumii, cha kyipfa ngyilandelye kyindo kyoose kyilawaṟi na kyifanyi kyimṟumoe-pfo.”

1 Wakorinto 2:14

Kyasia mndu alakyeri o kyimrima ekyeambilyia shindo sha Mumuyo o Ruwa-pfo; cha kyipfa kokye icho nyi wutondo, maa eiṙima ishimanya-pfo, cha kyipfa shekyemanyika kui njia ya kyimrima.

Ulogo 21:6

Kangyiwia, “Shammarisika. Inyi nyi Alyifa na Omeka, mawookyionyi na mafurumionyi. Inyi ngyechienenga ulya awoṙo nyi nyoṙa ya shoka ya mṟinga o moo, kulawoṙe itaa kyindo.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,

Ulogo 22:17

Na Mumuyo na Mpora wagamba, “Nnjo! Ulya aichuoe nagambe, ‘Nnjo!’ Na awoṙo nyi nyoṙa nache; na akundi, nanyo mṟinga o moo kulawoṙe itaa kyindo.”

Ulogo 7:17

Cha kyipfa Kyiondo-kyo kya Ruwa, kyikyeri kyitimenyi kya mng'ano, kyechimulyisa, nakyo kyechimusongoya iyenda shokyenyi tsa mṟinga uwoṙe moo, na Ruwa nechiwaanguo mcheṟeṟe yoose mesonyi gawo.”