Yohane 3:34 - Kivunjo New Testament 1999

³⁴ Cha kyipfa ulya amṙume nyi Ruwa nekyeonguo mbonyi tsa Ruwa; cha kyipfa ekyeenengyia Mumuyo kui iehia-pfo.

Yohane 3:34 ပူးပေါင်းရင်းမြစ်များ

Matayo 12:18

“Ambuya, mṟundi oko ngyilemsambuṟa; mkunde oko, mrima oko umchihiye kyipfa kyakye; ngyechimwenenga pfinya ya Mumuyo oko, na oe nechianduya wandu walaiṙikyie Ruwa.

Luka 4:18

“Mumuyo o Mndumii nai wuye yako, kyipfa nalengyishumbuo iongoya wakyiwa mbonyi ngyicha nalengyiṙuma iongoya wapfungo kya ilekyio lyawo, na shipfupfuṟe iiṙima iwona-se. Na iashuo walya wawailame.

Yohane 1:16

Kyipfa awoṙe mboṟa tsifoi soe loose luleambilyia isaṟia lying'anyi.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:7

Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 3:17

Cha kyipfa Ruwa aleṙuma Mana wuyanenyi kundu naanduye wuyana-pfo, indi wuyana wukyiṟo kui oe.

Yohane 5:26

Kyipfa chandu Awu awoṙe moo o mlungana, na wuṙo aleenenga mana wuiṙimi wo waṙa moo o mlungana.

Yohane 7:16

Kyasia Yesu kawagaluo, kagamba, “Malosho gako chi gako inyi-pfo, indi nyi ga ulya alengyiṙuma.

Yohane 8:40

Kyaindi wulalu mukundi ingyiwaaga, mndu ammbia kyikyeri kya loi, ngyilekyiicho ko Ruwa. Abrahamu alewuta kuṙo-pfo.

Yohane 8:47

Ulya ai o Ruwa nekyeaṙanyia malosho ga Ruwa. Koikyo nyoe muiaṙanyia-pfo cha kyipfa nyoe chi wana wa Ruwa-pfo.”

Mawuto Ga Wasu 1:2

Mṟasa mfiri ulya aleṙoso na wuye ruwewu, amloṟe kui Mumuyo Mweele wasu walya alewasambuṟa.

Mawuto Ga Wasu 10:38

Mbonyi tsa Yesu awukyie Nasareti, chandu Ruwa alemshumbuo kui Mumuyo Mweele na pfinya; na oe katenga-tenga ipfo na ipfo, echiṟunda iṟunda lyicha na ikyiṟa woose Mokyiriinzi aweiwalyisa wukyiwa; cha kyipfa Ruwa nawekyeri hamwi na oe.

Waroma 8:2

Cha kyipfa iwawaso lya Mumuyo o moo ulya ukyeri kyiiṙi kya Kristo Yesu lyilengyilekyia, kuleshi na iwawaso lya wunyamaṟi na upfu.

Wafilyipi 3:8

Inyi, ngyikyeri mtutu kuta ulya akyeri mtutu o wandu wa Ruwa woose, ngyileenengo isaṟia-lyi lyeongoya wandu walaiṙikyie Ruwa wunjama wo Kristo wulekyeiṙima iyeṟo;

Wakolosai 1:19

Cha kyipfa kyilechihiṟa iafutsio lya Ruwa lyoose lyikae kyiiṙi kya Kristo.

Wakolosai 2:9

Kyipfa kyiiṙi kyakye nyi pfo-ndu iafutsia lyoose lya Ruwa lyikyeri, kui mbaṟe ya kyimmbiu.

Ulogo 21:6

Kangyiwia, “Shammarisika. Inyi nyi Alyifa na Omeka, mawookyionyi na mafurumionyi. Inyi ngyechienenga ulya awoṙo nyi nyoṙa ya shoka ya mṟinga o moo, kulawoṙe itaa kyindo.

Ulogo 22:1

Numa ya iho kangyiloṟa mfo o mṟinga o moo, uiaka-aka cha kyiyewo, ochiwuka kyitimenyi kya mng'ano kya Ruwa, na kya Kyiondo kya Ruwa,