Yohane 3:29 - Kivunjo New Testament 1999

²⁹ Ulya awoṙe mono-kyika ailayiko nyi monyi wolyi; kyaindi mbuya ya monyi wolyi, ulya ekyegoṟoka na imwaṙanyia, nekyechihiyo kyipfa kya ṟui lya monyi wolyi. Kyasia sia yako yaafukyia.

Yohane 3:29 ပူးပေါင်းရင်းမြစ်များ

Matayo 22:2

“Wumangyi wo ruwewu wufananyi na mangyi umwi aleachikyia mono-kye wolyi.

Matayo 25:1

“Naaho-ng'u Wumangyi wo ruwewu wochifanana na wana wa kyika ikumi, waleira taa tsawo, wakafuma indeambilyia monyi wolyi.

Matayo 9:15

Yesu kawawia, “Wawalage wolyinyi weiṙima kuṙa ikapa ṟanyi kyiyeri monyi wolyi akyeri handu hamwi nawo? Kyaindi kochicha mfiri monyi wolyi echiwuto kowo, nyilyo wechikuretekyia.

Luka 15:6

Na kamshika kanyi kokye, nekyelaga mbuya tsakye na wamṟasa wakye, kawawia, ‘Chihiyonyi hamwi na inyi, cha kyipfa ngammbona ondo lyako lyiweṙekyie.’

Yohane 15:11

Ngamuongoya isho, kundu sia yako ikae mrimenyi konyu, na sia yanyu iafutsio.

Yohane 16:24

Mṟasa wulalu mulandeterewe kyindo kui rina lyako-pfo. Terewenyi, na nyoe mochienengo; kundu muchihiyo nakamwi.”

Yohane 17:13

Na wulalu ngyiicha na kopfo; na mbonyi-tsi ngyitsionguo wuyanenyi, kundu sia yako iafutsio mrimenyi kowo.

Yohane 3:30

Kyiwaṟi oe iwaṙa kyiṟumi kying'anyi na kyako ititia.”

2 Wakorinto 11:2

Kyipfa ngyimunyeng'ia, wunyeng'i wo Ruwa; kyipfa ngyilemukosia msoṟo umwi, kundu ngyiendie Kristo mana mkyega mcha.

Waefeso 2:2

ngyienengyenyi sia ing'anyi, kundu muwe na makusaṟo gamwi, wandu muwoṙe ikunda lyimwi, wawoṙe mrima umwi, mochikusaṟa iwuta kyindo kyimwi.

1 Yohane 1:4

Na ishi lushiṟeia, kundu sia yaṙu iafutsio.

2 Yohane 1:12

Cha kyipfa ngyiwoṙe shindo shifoi, ngyikundi ishiṟeia kui karitasi na wiino-pfo, kyaindi ngyikusurie icha na konyu, na iṙeṙa na nyoe ṙumbu kui ṙumbu, kundu sia yaṙu iafutsio.

Ulogo 21:9

Umwi o malaika walya mfungaaṙe kacha, walya wawewoṙe pakulyi tsilya mfungaaṙe tsiweichuo ngapo tsa mafurumionyi, na oe kaṙeṙa na inyi, echigamba, “Nnjo na kunu, na inyi ngyechikuloṟa Mpora, mka o Kyiondo kya Ruwa.”