Yohane 3:18 - Kivunjo New Testament 1999

¹⁸ Amwiṙikyie oe echianduyo-pfo; alaiṙikyie amwanduyo; cha kyipfa aiṙikyia rina lya Mana kyimuumwi o Ruwa-pfo.

Yohane 3:18 ပူးပေါင်းရင်းမြစ်များ

Mariko 16:16

Aiṙikyia na ipatiso nechikyia; alaiṙikyia, nechianduyo.

Yohane 1:12

Indi woose walemwambilyia nalewaenenga wuiṙimi wo iwa wana wa Ruwa; nyi walya waiṙikyie rina lyakye.

Yohane 1:18

Kuwoṙe mndu alemmbona Ruwa kyiyeri kyoose-pfo. Mana kyimuumwi ai cha Ruwa nyi oe aleshukuo mbonyi tsakye.

Yohane 20:31

Kyaindi ishi shileṟeio, kundu muiṙime iiṙikyia kye Yesu nyi oe Kristo, Mono-Ruwa; na kui iiṙikyia muwone moo o mlungana kui rina lyakye.

Yohane 3:16

Cha kyipfa nyi wuṙo Ruwa alekunda wuyana, katana awuta Mana okye kyimuumwi, kundu orio mndu amwiṙikyie alaṙekye, indi nawaṙe moo o mlungana.

Yohane 3:36

Aiṙikyie Mana nawoṙe moo o mlungana; alaiṙikyie Mana echiwona moo-pfo, indi nyashi ya Ruwa yechimwolokyia.”

Yohane 5:24

Ny'kyaloi ngammbia, ulya aicho ṙeṙo lyako na iiṙikyia ulya alengyiṙuma nawoṙe moo o mlungana; maa echianduyo-pfo, indi ammbuka upfunyi na iira na moonyi o mlungana.

Yohane 6:40

Cha kyipfa kyilya Awu oko akundi nyi ikyi, kye orio mndu mokusuria Mana na imwiṙikyia, nawaṙe moo o mlungana; na inyi ngyechimṟutsa mfiri ulya o furumia.”

Yohane 6:47

Ny'kyaloi ngammbia, ‘Ulya aiṙikyie nawoṙe moo o mlungana.’

Waroma 5:1

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo.

Waroma 8:1

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Waroma 8:34

Nyi wui eiṙima igamba kye nawaṟi iolotsio ngapo? Kristo Yesu nyi oe alepfa; yee, na ngoseṟa ya isho, naleṟuka ko wapfu, na oe naṙamie kuwoko ko kulyoe ko Ruwa. Ngoseṟa nyi oe ailuterewia.

Waebrania 12:25

Ambuyenyi mulalege ulya ekyeonguo. Kyipfa kokooya walalekyia walya walelega ulya alewaikyimbia urukyenyi, ngoseṟa mnu lochikyia soe lukokushowa na ulya ekyeluikyimbia ai ruwewu-pfo.

Waebrania 2:3

ngyesa soe, loiṙima kuṙa ikyia ianduyo lukomina ulogo-lu lung'anyi kuṙi lo wukyiṟo? Ulogo lulegambo kuwooka nyi Mndumii, naaho lukomanyika koṙu na ko walya waleicho.

Waebrania 3:19

Kyasia, lowona kye waleiṙima iiṙa na kulya urukyenyi-pfo kyipfa walelega iiṙikyia Ruwa.

1 Yohane 3:23

Na ilyi nyilyo iwawaso lyakye, kye luiṙikyie rina lya Mono-kye Yesu Kristo, na ikundana, chandu aleluenenga iwawaso.

1 Yohane 4:9

Kyipfa kya ikyo ikunda lya Ruwa lyilewoneka koṙu, kye Ruwa naleṙuma Mono-kye kyimuumwi wuyanenyi, kundu luwaṙe moo kui oe.

1 Yohane 5:10

Ulya aiṙikyie Mono-Ruwa nawoṙe wuṟingyishi-wo mrimenyi kokye. Alaiṙikyie Ruwa namgaluo mndu ekyeṙeṙa wongo, cha kyipfa aiṙikyia wuṟingyishi-wo Ruwa aṟingyishia Mono-kye-pfo.

1 Yohane 5:12

Ulya awoṙe Mana mrimenyi kokye, nawoṙe moo; ulya alawoṙe Mana mrimenyi kokye awoṙe moo-cho-pfo.