Yohane 21:22 - Kivunjo New Testament 1999

²² Yesu kammbia, “Kokooya ngyikundi ichu nawaṙe moo mṟasa kyiyeri ngyechicha, kyikuwaṟi kyi iyoe? Iyoe ngyiosha.”

Yohane 21:22 ပူးပေါင်းရင်းမြစ်များ

Matayo 16:24

Kyiyeri-kyo Yesu nalewia wanalosho wakye, “Mndu oose kakunda ingyiosha, nakulege amonyi, nakuṙikye msalaba okye, nangyioshe.

Matayo 24:27

Cha kyipfa chandu mbawa yekyewaṟuka iwuka ura lo ngamenyi mṟasa ikawono ura lo kyukonyi, nyi wuṙo kochiwa kyiyeri kya icha lya Mono-Adamu.

Matayo 24:3

Na lyilya aweṙamie fumvunyi lya mashiṙi ga mseituni, wanalosho wakye wakayenda kokye kui kyiṟika, wechigamba, “Luwie, mbonyi-tsi tsechiwa indi? Na kyiṟingyishio kya icha lyapfo na kya mafurumionyi ga wuyana nyi kyikyi?”

Matayo 24:44

Kyipfa kya ikyo na nyoe kuṟeyeṟenyi; cha kyipfa saa mulaikusaṟie Mono-Adamu naicha.”

Matayo 25:31

“Kyiyeri-kyo Mono-Adamu echicha mng'anonyi okye na malaika waele woose hamwi na oe, nyi lyo-ndu echiṙamia kyiṙinyi kya mng'ano okye.

Matayo 8:22

Kyaindi Yesu kammbia, “Ngyiosha; leka wapfu waṟikye wapfu wawo.”

Mariko 9:1

Kawawia, “Ny'kyaloi, ngammbia, kuwoṙe wandu kyiiṙi kya iwa wagoṟokyi iha, wechiwaṙa moo, mṟasa kyiyeri wechiwona Ruwa echichilyia.”

Yohane 21:19

Kaonguo mbonyi-tso iloṟa nyi upfu lo mbaṟe iha Petiro echipfa naenengye Ruwa kyiṟumi. Na Yesu amwonguo isho, kawia Petiro, “Ngyiosha.”

Yohane 21:21

Kyasia Petiro, kawona manalosho-cho, kawia Yesu, “Mndumii, aa ichu nechiwutio kyi?”

1 Wakorinto 11:26

Kyipfa orio kyiyeri muilya mkate-chu na inyo iwuka kunu kyiṙoonyi, muonguo mbonyi tsa upfu lo Mndumii mṟasa kyiyeri echicha.

1 Wakorinto 4:5

Kyasia nyoe mulangyianduye kye ngyimmbicho kyipfa kya kyindo kyoose kyiyeri kyilashika, mṟasa ilyi Mndumii echicha; ulya echiloṟa shilya shikuṟiikyie meemenyi, na iloṟa makusaṟo gakyeri mrimenyi; nyi lyo-ndu orio mndu echiwona kyiṟumi kyakye ko Ruwa.

1 Watesalonikye 2:19

Kyipfa ikusuria lyaṙu ang'u sia yaṙu, ang'u iṟikoso lya ikushela, nyi kyikyi? Ngyesa chi nyoe, mbele ya Mndumii oṙu Yesu kyiyeri kya icha lyakye-pfoe?

Yakobo 5:7

Koikyo, wana wa wama, karishienyi, mṟasa icha lya Mndumii. Ambuyenyi chandu mṙemi ekyeweṙelyia shilyimu sha woguru wung'anyi. Nekyekarishia kyipfa kyasho mṟasa mvuo tsa kuwooka na tsefurumia tsikape.

Yakobo 5:8

Na nyoe karishienyi muṟingyishie mrima yanyu, cha kyipfa icha lya Mndumii lyatikyira kufuhi.

Ulogo 1:7

Kristo naicha iwinyi akyeri mapuchinyi; na orio riso lyechimmbona, na iwo walemmbaaga, na mbaṟe tsoose tsa wandu wa wuyana tsechikapa ṟanyi kyipfa kyakye. Yee. Amen.

Ulogo 2:25

Indi kyilya muwoṙe kyiwaṙenyi tapu, mṟasa ilyi ngyechicha.

Ulogo 22:20

Ulya moṟingyishia ishi, nagamba, “Yee loi; ngyiicha iwinyi.” Amen. Nnjo Mndumii Yesu.

Ulogo 22:7

Yesu nagamba, “Ngyiicha iwinyi. Agusu ulya aosha mbonyi tsa wuikyimbi wo kyitapu-kyi.”

Ulogo 3:11

Ngyiicha iwinyi. Waṙa mnu kyilya uwoṙe, kulache mndu nakusokye oṟo yapfo.