Yohane 21:18 - Kivunjo New Testament 1999

¹⁸ Kagamba, “Ny'kyaloi, kakuwia, kyiyeri uwekyeri manakye, muwekyekuṟeyeṟa na iyenda kundu koose ukundi; kyaindi kyiyeri ochikuo, nochigoṟuo mawoko gapfo, na mndu ungyi nechikuwutia kyilya akunda na ikuṙuo kundu ulakundi.”

Yohane 21:18 ပူးပေါင်းရင်းမြစ်များ

Luka 12:37

Wagusu waṟundi walya, kyiyeri mndumii owo echicha nawakooye walee kyiṙombo. Loi ngyimmbia, nekuinewa na iwaenenga kyelya, na iwaṟundia.

Yohane 13:36

Simion Petiro kammbia, “Mndumii, ny'kwi uiyenda?” Yesu kamgaluo, kagamba, “Kulya-ndu ngyiyenda oiṙima ingyiosha wulalu-pfo; kyaindi nongyiosha numa.”

Yohane 21:17

Kammbia-se lya kaṟaaṟu, “Simion mana o Yohane, ungyikundi?” Kammbia, “Mndumii, iyoe nuichi shoose; iyoe nuichi kye ngyikukundi.” Yesu kammbia, “Ambuya moondo gako.”

Yohane 21:19

Kaonguo mbonyi-tso iloṟa nyi upfu lo mbaṟe iha Petiro echipfa naenengye Ruwa kyiṟumi. Na Yesu amwonguo isho, kawia Petiro, “Ngyiosha.”

Mawuto Ga Wasu 21:11

Kyiyeri aleshika halya-ndu luwekyeri kaira mkanda o Paulo, kapfunga nacho maṙende na mawoko gakye, kagamba “Mumuyo Mweele nagamba kuṙi, ‘Nyi wuṙo Wayuda wa Yerusalemu wechipfunga monyi o mkanda-chu, nawo wechimṙambika ko wandu walaiṙikyie Yesu.’ ”

2 Wakorinto 5:4

Cha kyipfa soe lukyeri kyiiṙi kya mmbiu-i luwawio, lochilemio; chi kye lukundi iwuta mmbiu-chu okyepfa-pfo, indi lulangyie iṟiko ulya ulekyepfa, kundu kyilya kyekyepfa kyimeṟo piu nyi moo.