Yohane 21:15 - Kivunjo New Testament 1999

¹⁵ Kyasia wamlye, Yesu kawia Simion Petiro, “Simion mana o Yohane, ungyikundi kuta iwa?” Kammbia, “Yee, Mndumii, iyoe nuichi kye ngyikukundi.” Kammbia, “Ambuya shiondo shako.”

Yohane 21:15 ပူးပေါင်းရင်းမြစ်များ

Matayo 10:37

Akundi awuye ang'u wamae kuta inyi, angyiwaṟi-pfo, maa akundi mono-kyisoṟo ang'u mono-kyika kuta inyi, angyiwaṟi-pfo.

Matayo 16:17

Yesu kagaluo, kammbia, “Agusu iyoe Simion Mono-Yona, cha kyipfa chi pfinya ang'u wuṟango wo kyimndu shakutambuluya ikyi-pfo; indi Awu-yoko akyeri ruwewu.

Matayo 18:10

“Mulamine umwi o iwa watutu, cha kyipfa ngammbia kye malaika wawo ruwewu mfiri yoose wekyeambuya kyaam kya Awu-yoko akyeri ruwewu. [

Matayo 26:33

Petiro kagaluo, kammbia, “Wakawihiyo woose kyipfa kyapfo, inyi ngyechiwihiyo maa ale-pfo.”

Matayo 26:35

Petiro kammbia, “Maa kokooya ngyechipfa na iyoe, ngyechikukana maa ale-pfo.” Na wanalosho woose wakagamba wuṙo.

Mariko 14:29

Petiro kammbia, “Wechiṙicha woose, kyaindi chi inyi-pfo.”

Luka 12:32

“Maa mulaowuoe nyoe poo lyitutu, cha kyipfa Awu onyu nawona nyi kyicha imuenenga Wumangyi wulya.

Luka 22:32

Kyaindi ngakuterewia iyoe kundu iiṙikyia lyapfo lyilawe lyifofo; na iyoe ilyi okyiṟo ukarishe wana wa womoo.”

Yohane 1:42

Kamṙuo ko Yesu. Na Yesu kamwambuya, kammbia, “Iyoe nyi Simion, mana o Yohane; na iyoe nochilago Kyefa (kyimwi na igamba Petiro ang'u Igoe)”

Yohane 13:37

Petiro kammbia, “Mndumii, ny'kyilyi inyi ngyilechiiṙima ikuosha wulalu? Inyi ngyechireka moo oko kyipfa kyapfo.”

Yohane 16:27

cha kyipfa Awu namukundi kyipfa nyoe mongyikunda inyi, na iiṙikyia kye inyi ngyilewuka ko Awu.

Yohane 21:12

Yesu kawawia, “Nnjonyi mususuo.” Maa kuwoṙe mndu kyiiṙi kya wanalosho walya alekaria immbesa oe nyi wui-pfo; waichi kye nyi Mndumii Yesu.

Yohane 21:7

Kyasia manalosho ulya Yesu awemkundi kawia Petiro, “Nyi Mndumii Yesu.” Na Simion Petiro, kyiyeri aleicho kye nyi Mndumii Yesu, kakuinewa mkoṟoṟi okye (kyipfa nawei kyiṟanguoe), kashoongyia kulya nduwenyi.

Yohane 8:42

Yesu kawawia, “Kokooya Ruwa awekyeri awu onyu, muwengyikunda inyi; cha kyipfa ngyilewuka ko Ruwa, na inyi ngyilecha; maa ngyilecha kui ikunda lyako ngyimonyi-pfo, indi oe nyi oe alengyiṙuma.

Mawuto Ga Wasu 20:28

Ringyenyi mrima yanyu, na poo-lyo lyoose, lyilya Mumuyo Mweele alemusambuṟa nyoe mulyiambuye, muiṙime ienenga Siṟi yakye kando, Siṟi aleigaluo yakye amonyi kui upfu lokye.

Mawuto Ga Wasu 20:29

Ngyiichi kye ngammbuka iha, wandu walang'a cha shisii wechicha na konyu, wanyamaṟe Siṟi.

Waroma 14:1

Mndu awoṙe iiṙikyia lyifofo, mwambilyienyi, indi mulamwanduye makusaṟo gakye.

Waroma 15:1

Kyasia kyiluwaṟi soe luwoṙe pfinya iṙuo wufofo wo iwo walawoṙe pfinya, maa kyiluwaṟi iwuta shindo sheluchihiṟa soe luwenyi-pfo.

1 Wakorinto 8:11

Na ulya amfofo nechirumatso kui wuṟango wopfo, na oe nyi mndu Kristo alepfa kyipfa kyakye.

Wagalatia 5:6

Kyipfa kyiiṙi kya Kristo Yesu iṙino, maa iṙa iṙino lyiwoṙe kyiira kyoose-pfo, indi iiṙikyia lyekyeṟunda kui ikunda.

Wafilyipi 4:14

Kundu lulawe-se wana watutu, lochiwiyitso ipfo na ipfo, na iṙoo nyi orio mkuma o malosho geṙetsa, kui ngyeṟo tsa wandu, kui mbiṟi, lochiosha njia tsa wulembi.

Wafilyipi 6:24

Isaṟia lyikae na woose wakundi Mndumii oṙu Yesu Kristo kui njia ilawoṙe inyamaṟika.

Waebrania 13:20

Kyasia, Ruwa o ufoṟo aleende-se iwuka ko wapfu Mlyisi Ang'anyi o moondo, kui samu ya mma o mlungana, oe Mndumii oṙu Yesu,

Waebrania 4:13

Maa kuwoṙe kyindo kyikyeri na moo kyilakyishukuoe mbele ya Ṙeṙo-lyo-pfo, kyaindi shindo shoose shikyeri kyiṟanguoe na shishishukuoe mesonyi gakye ulya awoṙe shindo shaṙu.

1 Petiro 1:8

Na oe mumkundi, maa chandu mulammbonyi; ulya maa chandu mulammbonyi wulalu, mumwiṙikyie; na ichihiyo mnu, kui sia ilekyewono, iwoṙe kyiṟumi.

1 Petiro 2:2

Chandu wana waionga wakundi maruwa ga wamawo, muwaṟi orio mfiri ilanga kyelya kya mrima kyilakyisanze-sanze na kyindo kyingyi. Mukolya kyelya-kyo kya mrima moching'ana na ikyiṟo,

1 Petiro 2:25

Cha kyipfa muweiṙeka cha moondo; kyaindi wulalu mowiyilyia Mlyisi na Moambuya mrima yanyu.

1 Yohane 4:19

Soe lukundi cha kyipfa oe nalelukunda soe kuwooka.

1 Yohane 5:1

Orio mndu aiṙikyie kye Yesu nyi oe Kristo namfee nyi Ruwa. Na orio mndu akundi mfee, nakundi maa ulya amfee nyi mfee-cho.

Ulogo 2:23

Na inyi ngyewaaga wana wakye. Na siṟi tsoose tsechimanya kye inyi nyi oe aichi makusaṟo gakyeri mrimenyi ko wandu. Na inyi ngyechitaa orio umwi onyu iṙuana na mawuto gakye.