Yohane 21:12 - Kivunjo New Testament 1999

¹² Yesu kawawia, “Nnjonyi mususuo.” Maa kuwoṙe mndu kyiiṙi kya wanalosho walya alekaria immbesa oe nyi wui-pfo; waichi kye nyi Mndumii Yesu.

Yohane 21:12 ပူးပေါင်းရင်းမြစ်များ

Matayo 22:46

Maa kulewaṙa mndu aleiṙima imgaluo kyindo-pfo; maa kuwoṙe mndu oose alekaria wookyia mfiri ulya immbesa kyindo-se-pfo.

Mariko 9:32

Kyaindi walemanya ṙeṙo lyilya-pfo, wakaowuo immbesa.

Luka 9:45

Kyaindi walemanya kyindo kyilya-pfo, kyikaṟiko kowo walakyimanye; wakaowuo immbesa kyitambuluo kya kyindo-kyo.

Yohane 16:19

Yesu nalemanya kye wawekundi immbesa; kawawesa, “Ny'kyo muiwesana, kye ngyilegamba, ‘hatsugae kyiyeri kyitutu na nyoe mochingyiwona-pfo; na lyingyi-se hatsugae kyiyeri kyitutu na nyoe mochingyiwona?’

Yohane 21:11

Kyasia Simion Petiro kaṙooya ngalawenyi, kakuruo iṟambika lyilya na handu hagaṙutsu, lyiichuo makunga gang'anyi, igana makumi gataanu na gaṟaaṟu; na maa chandu gawefoi kuṙo, iṟambika lyilya lyileranduka-pfo.

Yohane 21:15

Kyasia wamlye, Yesu kawia Simion Petiro, “Simion mana o Yohane, ungyikundi kuta iwa?” Kammbia, “Yee, Mndumii, iyoe nuichi kye ngyikukundi.” Kammbia, “Ambuya shiondo shako.”

Yohane 4:27

Kyiyeri kyilya kyilya wanalosho wakye wakacha, wakaṟiyio kyipfa naweiṙeṙa na mndu mka; kyaindi kuwoṙe alegamba, “Nuipfula kyi?” Ang'u “Ny'kyilyi uiṙeṙa na oe-pfo?”

Mawuto Ga Wasu 10:41

chi ko wandu woose-pfo, indi ko waṟingyishi walekowamsambuṟo nyi Ruwa, nyiwo soe, lulelya na inyo hamwi na oe numa ya iṟuka lyakye iwuka ko wapfu.