Yohane 20:26 - Kivunjo New Testament 1999

²⁶ Kyasia, hamwiṙe mfiri nyanya, wanalosho wakye wawekyeri-se numba, na Tomasi nawekyeri hamwi nawo. Yesu kacha, na moongo iwengyishingye. Kagoṟoka makyiṙi-gawi gawo, kagamba, “Ufoṟo lukae konyu.”

Yohane 20:26 ပူးပေါင်းရင်းမြစ်များ

Matayo 17:1

Na mfiri iṟandaaṟu yamuiṙe Yesu kaṙuo Petiro na Yakobo, na Yohane mono-wamae, kawaende mṟasa wuye ya fumvu lyileshi handu halawoṙe wandu.

Mariko 16:14

Numa ya iho kawono nyi walya ikumi na umwi kyiyeri waweilya. Kawaṙeṙia kyipfa kya iiṙikyia lyawo lyaangu na wuumu wo mrima yawo, cha kyipfa waleiṙikyia walya walemmbona kyiyeri aleṟuka ko wapfu-pfo.

Luka 24:36

Na lyilya waweiṙeṙa mbonyi-tso oe amonyi nalegoṟoka makyiṙi-gawi gawo, kawawia, “Ufoṟo lukae konyu.”

Luka 9:28

Numa ya mbonyi-tso, hamwiṙe mfiri nyanya, naleṙuo Petiro na Yohane na Yakobo, kaṙo na fumvunyi kundu nandeterewa.

Yohane 11:16

Kyasia Tomasi, awekyelago (Wana wawi wawafee kyiyeri kyimwi), kawia wanalosho woṙoe, “Na soe sindenyi, kundu lupfe hamwi na oe.”

Yohane 14:27

Ngamṙeeya ufoṟo. Ufoṟo loko ngamuenenga. Chandu ngyimuenenga chi wuṙo wuyana wokyeenenga-pfo. Mulaiṟewe mrimenyi konyu, maa mulawaṙe wuowu.

Yohane 20:19

Kyukonyi, mfiri ulya o kuwooka o juma; na halya-ndu wanalosho wawekyeri moongo iwengyishingye kyipfa kya iowuo Wayuda, Yesu kacha kagoṟoka makyiṙi-gawi gawo, kawawia, “Ufoṟo lukae konyu.”

Yohane 20:21

Yesu kawawia-se “Ufoṟo lukae konyu. Chandu Awu alengyiṙuma inyi, na inyi ngyimṙuma nyoe.”

Yohane 21:1

Numa ya isho Yesu nalekuṟingyishia-se ko wanalosho wakye, halya nduwenyi yekyelago Tiberia. Na oe nalekuṟingyishia kuṙi:

Yohane 21:14

Koikyo kyikawa Yesu nawonekyia wanalosho wakye lya kaṟaaṟu numa ya iṟuka ko wapfu.

Mawuto Ga Wasu 1:3

Walya alekuṟingyishia kowo, kui iwuta shindo shifoi, numa ya ilyiso wukyiwa, kye nai na moo; echiwawonekyia kyiyeri kya mfiri makumi gaana, na ionguo mbonyi tsa Wumangyi wo Ruwa.