Yohane 20:22 - Kivunjo New Testament 1999

²² Na oe amgambe kuṙo, kawaumuya mṟufui, kawawia, “Ambilyienyi Mumuyo Mweele.

Yohane 20:22 ပူးပေါင်းရင်းမြစ်များ

Yohane 14:16

Na inyi ngyechiterewa Awu, na oe nechimuenenga Mtarami ungyi, kundu nakae na nyoe mṟasa mlungana.

Yohane 15:26

Kyaindi kyiyeri-kyo Mtarami-cho echicha, ngyechimṙika iwuka ko Awu, Mumuyo-cho o loi awukyie ko Awu, oe nechingyiṟingyishia.

Yohane 16:7

Kyaindi inyi ngammbia shii loi; mochiwona kyiira inyi ngayenda; cha kyipfa inyi ngyilandeyende, Mtarami-cho echicha na konyu-pfo; indi inyi ngayenda, ngyechimṙika konyu.

Yohane 20:21

Yesu kawawia-se “Ufoṟo lukae konyu. Chandu Awu alengyiṙuma inyi, na inyi ngyimṙuma nyoe.”

Yohane 20:23

Mndu oose mochimhooṟia wunyamaṟi nechihooṟio loi; na ulya mulamhooṟia echihooṟio-pfo.”

Yohane 7:39

Kyiyeri Yesu aweiṙeṙa naweionguo mbonyi tsa Mumuyo o Ruwa, walya wamwiṙikyie wechimwambilyia kyiyeri kya numa; cha kyipfa Mumuyo o Ruwa alekoamcha-pfo, cha kyipfa Yesu alekoamwirio wuye na ienengo kyiṟumi-pfo.

Mawuto Ga Wasu 10:47

“Nyi wui eiṙima ishingyia mṟinga, wandu-wa walapatiso? Wandu waambilyie Mumuyo Mweele kyimwi na soe?”

Mawuto Ga Wasu 19:2

kawawesa, “Kyiyeri muleiṙikyia Yesu muleambilyia Mumuyo Mweele?” Wakamgaluo wakagamba, “Ote. Maa luleicho kye kuwoṙe Mumuyo Mweele-pfo.”

Mawuto Ga Wasu 2:38

Petiro kawawia, “Ṙumbuyenyi iwuta sha wunyamaṟi, mupatiso orio umwi kui rina lya Yesu Kristo, muiṙime iambilyia ihooṟio lya ngyuunyamaṟi tsanyu, na nyoe mochiambilyia kyienengo kya Mumuyo Mweele.

Mawuto Ga Wasu 2:4

Woose wakaichuṟo nyi Mumuyo Mweele, wakawooka iṙeṙa kui mṙeṙie ingyi, chandu Mumuyo alewaenenga wuiṙimi.

Mawuto Ga Wasu 4:8

Naaho Petiro, aichuo Mumuyo Mweele, kawawia, “Nyoe wasongoru wa wandu na wameeku wa Isiraelyi;

Mawuto Ga Wasu 8:15

Na kyiyeri waleyenda, wakaterewia walya waweiṙikyie wuiṙimi wo iambilyia Mumuyo Mweele;

Wagalatia 3:2

Ngyikundi ikulosha kyindo kyimwi konyu. Ngyesa muleambilyia Mumuyo Mweele kui mawuto ga mawawaso ang'u kui iicho Ndumi Ngyicha na iiṙikyia Yesu?