Yohane 20:15 - Kivunjo New Testament 1999

¹⁵ Yesu kammbia, “Nulyilyia kyi? Nupfula wui?” Na Maria, akusaṟie kye nyi moambuya bustanyi, kammbia, “Mndumii, kokooya nyi iyoe ommbuta kunu kyilomenyi, ngyiwia nyi kwi ommbikyia, na inyi ngyechimmbuta pfo.”

Yohane 20:15 ပူးပေါင်းရင်းမြစ်များ

Matayo 12:34

Nyoe maalea ga njoka, moiṙima kuṙa iṙeṙa shindo shicha, mui wawicho? Kyipfa, ṙumbu lya mndu lyekyeṙeṙa shilya shiichuṟie mrima-cho okye.

Matayo 28:5

Malaika kagaluo, kawia waka walya, “Mulaowuoe, cha kyipfa ngyiichi kye muipfula Yesu alekapio msalabenyi.

Mariko 16:6

Na oe kawawia, “Mulaṟiyio. Muipfula Yesu Mnasareti; alekapio msalabenyi. Amṟuka; akyeri iha-pfo. Ambuyenyi handu walemmbikyia.

Luka 2:44

Nawo wakakusaṟa kye nakyeri wandunyi, wakayenda handu ha mfiri umwi, wechimpfula wandunyi wa kyishari kyakye na woṙiao,

Luka 24:5

Nawo kyiyeri walewoṙo nyi fowa na iarama mṟasa wanda, iwo walewawia, “Ny'kyilyi muipfula ai na moo ko wapfu?

Yohane 1:38

Yesu kainduka, kawawona wechicha na kokye, kawawia, “Muipfula kyi?” Wakammbia, “Rabi (kyimwi na igamba, Mlosha), nyi kwi okyekaa?”

Yohane 18:4

Kyasia Yesu, aichi shoose shechimmbutikyia, kafuma kulya bustanyinyi, kawawia, “Nyi wui muimpfula?”

Yohane 18:7

Kawawesa-se, “Muipfula wui?” Wakagamba, “Yesu o Nasareti.”

Yohane 20:13

Nawo wakammbia, “Nuilyilyia kyi?” Kawawia, “Kyipfa wawuta Mndumii oko iha; maa ngyiichi kundu wammbikyia-pfo.”