Yohane 2:22 - Kivunjo New Testament 1999

²² Koikyo kyiyeri aleṟuka ko wapfu, wanalosho wakye wakakumbuo kye nalegamba kuṙo, wakaiṙikyia kyiṟeio na kyindo kyilya Yesu alekyionguo.

Yohane 2:22 ပူးပေါင်းရင်းမြစ်များ

Luka 24:26

Ngyesa kyilekooya Kristo iwona matuuro-ga na iiṙa na mng'anonyi okye-pfoe?”

Luka 24:44

Numa ya iho kawawia, “Igo nyigo maṙeṙo gako ngyilemmbia lyilya ngyiwekyeri hamwi na nyoe, kye kyakooya shiafutsio shoose Mose aleṟeia Uwawasonyi kyipfa kyako na shilya weonguo shisuku waleṟeia na shilya shishiṟeie shiimbonyi.”

Yohane 12:16

Mbonyi-tso wanalosho wakye waletsimanya ipfo mawookyionyi-pfo; kyaindi kyiyeri Yesu aleng'anyiso nyi lyo-ndu walekumbuo kye shiṟeio shiwegambie mbonyi tsakye kuṙo, na kye walemmbutia isho.

Yohane 14:26

Kyaindi Mtarami-cho, Mumuyo-cho Mweele, ulya Awu echimṙika kui rina lyako, nechimulosha shoose, na imukumbuṟa shoose ngyilemmbia.

Yohane 16:4

Kyaindi ngamuongoya isho, kundu kyiyeri kyiyeri-kyo kyechicha mukumbuo kye inyi nyilemmbia. Ngyilemmbia isho wookyia mawookyionyi-pfo, cha kyipfa ngyiwekyeri hamwi na nyoe.”

Yohane 2:11

Kyindo-kyi kya kuwooka kya kyiṟiyisho Yesu nalekyiwuta kulya Kana ya Galyilaya, kaṟingyishia mng'ano okye, na wanalosho wakye wakamwiṙikyia.

Yohane 2:17

Wanalosho wakye wakakumbuo kye kyikyiṟeie, “Ikunda lyako ko mbonyi tsapfo lyechingyirumatsa.”

Yohane 2:2

Na Yesu nalekoalago na wolyinyi hamwi na wanalosho wakye.

Mawuto Ga Wasu 11:16

Ngakumbuo ṙeṙo lyilya lya Mndumii, chandu alegamba, ‘Yohane nalepatisa kui mṟinga loi, indi nyoe mochipatiso kui Mumuyo Mweele.’

Mawuto Ga Wasu 13:33

kye Ruwa naleafutsia kyaasa-kyo ko wana waṙu, kui iṟutsa Yesu; chandu kyikyiṟeie Kyiimbonyi kya Kawi, ‘Iyoe nyi oe Mono-ko, inyi inu ngawa Awuyo.’ ”