Yohane 19:9 - Kivunjo New Testament 1999

⁹ Kaiṙa-se na kulya numbenyi ya wuchilyi, kawia Yesu, “Iyoe nuwukyie kwi?” Kyaindi Yesu alemgaluo kyindo-pfo.

Yohane 19:9 ပူးပေါင်းရင်းမြစ်များ

Matayo 26:63

Kyaindi Yesu katsia sau. Mkohanyi ang'anyi kuta woose kammbia, “Ngakututuma ulye nyamu kui rina lya Ruwa ai na moo, uluwie kokooya iyoe nyi oe Kristo, Mono-Ruwa.”

Matayo 27:27

Naaho-ng'u asikari wa mchilyi o uruka lulya wakaṙuo Yesu mṟasa Praitorio ngyuulyimalyi tsingyi tsoose tsikakuumbia halya-ndu awekyeri.

Luka 23:9

Kammbesa shindo shifoi, oe alamgaluo kyindo kyoose.

Yohane 18:28

Kyasia wakawuta Yesu ko Kayafa wakamṙuo mṟasa numba ya wuchilyi iwekyelago Praitorio. Napfo kukokya, kyaindi wo waleiṙa na kulya numbenyi-pfo, walachefana kyimṟumoe, wachelemo ilya shelya sha mṟumoe ulya o Pasaka.

Yohane 18:33

Kyasia Pilato kaiṙa-se na kulya numbenyi ya wuchilyi, kalaga Yesu, kammbia, “Ngyesa iyoe nyi Mangyi o Wayuda?”

Yohane 18:34

Yesu kamgaluo, kagamba, “Iyoe nuigamba kuṙo kui makusaṟo gapfo, ang'u wandu wengyi walekuwia mbonyi tsako?”

Yohane 18:37

Kyasia Pilato kammbia, “Kokooya nyi wuṙo iyoe nyi Mangyi-ng'ue?” Yesu kagaluo, kagamba, “Nogamba kye inyi nyi Mangyi. Ngyilefeo kunu wuyanenyi kyipfa kya kyindo kyimwi tupu, ionguo mbonyi tsa loi. Orio mndu aichi mbonyi-tso tsa loi nekyeosha shilya ngyekyegamba.”

Yohane 19:10

Kyasia Pilato kammbia, “Uiṙeṙa na inyi-pfoe? Uichi ngyiwoṙe wuiṙimi wo ikupfunguo hamwi na wuiṙimi wo ikukapia msalabenyi?”

Yohane 19:8

Kyasia kyiyeri Pilato aleicho mbonyi-tso kaengyeṟa iowuo.

Yohane 8:14

Yesu kagaluo kawawia, “Inyi maa chandu ngyikuṟingyishia ngyimonyi, wuṟingyishi woko nyi wo loi; cha kyipfa ngyiichi kundu ngyiwukyie na kundu ngyiyenda; kyaindi nyoe muichi kundu ngyiwukyie maa kundu ngyiyenda-pfo.

Waefeso 1:28

maa muowuye washituwa wanyu kyindonyi kyoose-pfo. Kowo iwo nyi kyiṟingyishio kya iṙeka, indi konyu nyoe nyi kyiṟingyishio kya wukyiṟo, wulya wuwukyie ko Ruwa.