Yohane 19:6 - Kivunjo New Testament 1999

⁶ Kyasia wang'anyi walya wa makohanyi na waṟundi wawo kyiyeri walemmbona, walekalagatsa, wechigamba, “Mkapie msalabenyi! Mkapie msalabenyi!” Pilato kawawia, “Mṙuonyi nyoe, mundemkapia msalabenyi; cha kyipfa ngyiwonyi ṙeko kokye-pfo.”

Yohane 19:6 ပူးပေါင်းရင်းမြစ်များ

Matayo 26:58

Na Petiro kamwosha ai kuleshi mṟasa numba ya Mkohanyi ang'anyi kuta woose, kaiṙa na numba, kaṙamia hamwi na waṟundi, nawone mafurumionyi.

Matayo 27:22

Pilato kawawia, “Kyasia, Yesu-chu ekyelago Kristo ngyimmbutie kyi?” Wakagamba woose, “Nakapio msalabenyi.”

Matayo 27:24

Kyasia kyiyeri Pilato alewona kuwoṙe kyiira kyoose-pfo, indi kyituṟu kyikundi iamka, kaira mṟinga, kasamba mawoko gakye mbele ya wuingyi wulya wo wandu, kagamba, “Inyi ngyiwoṙe ṙeko samunyi ya mndu-chu msumganyi-pfo. Ilyi nyi iṟunda lyanyu nyoe.”

Luka 23:4

Pilato kawia wang'anyi wa makohanyi na wuingyi wo wandu, “Ngyiwonyi kyindo kyiwicho ko mndu-chu-pfo.”

Yohane 18:3

Kyasia Yuda, aṙuṙanyi na asikari na waṟundi wawewukyie ko wang'anyi wa makohanyi na Mafarisayo, kayenda pfo, waṙuṙe taa na shimii na shisha.

Yohane 18:31

Kyasia Pilato kawawia, “Mṙuonyi nyoe, mundemwanduya chandu uwawaso lonyu luwawasie!” Wayuda wakammbia, “Soe luwoṙe momu o iwaaga mndu-pfo.”

Yohane 18:38

Pilato kammbia, “Mbonyi tsa loi ny'kyikyi?” Pilato amṙeṙe na Yesu kawuya-se na ko Wayuda, kawawia, “Inyi ngyiwonyi ṙeko lyoose ko mndu-chu-pfo.

Yohane 19:15

Kyasia wakakalagatsa, wechigamba, “Mmbute iha! Mmbute iha! Mkapie msalabenyi!” Pilato kawawia, “Ngyesa mangyi onyu ngyimkapie msalabenyi!” Wang'anyi wa makohanyi wakamgaluo, wakammbia, “Soe luwoṙe mangi sile Kaisari-pfo.”

Yohane 19:4

Numa ya iho Pilato kafumia-se nja, kawawia, “Mndu-chu ngyimwende na konyu, muiṙime imanya kye inyi ngyiwonyi ṙeko lyoose kokye-pfo.”

Mawuto Ga Wasu 2:23

Mndu-chu aleṙiko wuyanenyi chandu Ruwa alekunda amonyi, na chandu Ruwa aweṟeyeṟie wookyia kacha, kamṙambika konyu, nyoe mukomkapia msalabenyi, mukombaaga.

Mawuto Ga Wasu 7:52

Nyi wui kyiiṙi kya weonguo shisuku waku wanyu walalempfulutsa nyashi? Wo walewaaga walya waleṙumo nyi Ruwa ionguo mbonyi tsa icha lya ulya Msumganyi; ulya nyoe wulalu mowa waṟiingyi wakye, mukommbaaga.